മുംബൈ: പാകിസ്താന് ക്രിക്കറ്റ് താരം സഖ്ലൈന് മുഷ്താഖിന് ജന്മദിന ആശംസകള് നേര്ന്നതിന് ക്രിക്കറ്റ് ഇതിഹാസം സചിന് ടെണ്ടുല്ക്കര്ക്ക് നേരെ സൈബര് ആക്രമണം. ഡിസംബര് 29ന് ട്വിറ്ററിലൂടെ സഖ്ലൈന് മുഷ്താഖിന് സച്ചിന് ജന്മദിന ആശംസകള് നേര്ന്നിരുന്നു. സഖ്ലൈന് മുഷ്താഖിനോടൊപ്പമുള്ള ചിത്രം പങ്കുവെച്ചായിരുന്നു ആശംസ അറിയിച്ചത്. പിന്നാലെയാണ് സച്ചിന് എതിരെ സൈബര് ആക്രമണം ആരംഭിച്ചത്.
Wishing you a very happy birthday @Saqlain_Mushtaq!
Have a blessed and healthy year ahead. pic.twitter.com/G3gfmdxeJH— Sachin Tendulkar (@sachin_rt) December 29, 2020
വിദ്വേഷം വമിപ്പിക്കുന്ന നിരവധി കമന്റുകളാണ് സച്ചിന്റെ ട്വീറ്റിന് താഴെ എത്തിയത്. അതേസമയം തന്റെ ജന്മദിനം സ്പെഷ്യല് ആക്കിയതിന് ഇതിഹാസത്തിനോട് നന്ദിയുണ്ടെന്ന് സഖ്ലൈന് സചിന്റെ ട്വീറ്റിന് താഴെ കമന്റ് ചെയ്തു.
1995 മുതല് 2004 വരെ പാകിസ്താനായി കളത്തിലിറങ്ങിയ സഖ്ലൈന് മുഷ്താവ് 169 ഏകദിനങ്ങളില് നിന്നായി 288 വിക്കറ്റുകളും 49 ടെസ്റ്റുകളില് നിന്നായി 208 വിക്കറ്റുകളും നേടിയിട്ടുണ്ട്. നേരേത്തേ ഷാഹിദ് അഫ്രീദിയുടെ ദുരിതാശ്വാസ കാമ്പയിനിന് പിന്തുണ പ്രഖ്യാപിച്ച ഇന്ത്യന് താരങ്ങളായ ഹര്ഭജന് സിങ്ങും യുവരാജ് സിങ്ങും സൈബര് ആക്രമണം നേരിട്ടിരുന്നു.