തിരുവനന്തപുരം: കേരളത്തില് കോവിഡ് വ്യാപനം രൂക്ഷമായി തുടരുകയാണ്. ആ സാഹചര്യത്തില് ഞായറാഴ്ച ഏര്പ്പെടുത്തിയിരിക്കുന്ന ലോക്ഡൗണ് സമാനനിയന്ത്രണങ്ങള് ഇന്ന് അര്ധരാത്രി നിലവില് വരും. ഇന്ന് രാത്രി 12 മുതല് ഞായറാഴ്ച അര്ധരാത്രി വരെയാണ് കേരളം വീണ്ടും അടച്ചിടുന്നത്.
അത്യാവശ്യയാത്രകള് അനുവദിക്കണമെങ്കില് കൃത്യമായ രേഖകളും സത്യവാങ്മൂലവും കയ്യില് കരുതണം, ഇല്ലെങ്കില് കേസെടുക്കുമെന്നും പൊലീസ് അറിയിച്ചു. കെ.എസ്.ആര്.ടി.സിയും അത്യാവശ്യ സര്വ്വീസുകള് മാത്രമേ നടത്തൂ. ഹോട്ടലുകളും അവശ്യവിഭാഗത്തില്പെട്ട സ്ഥാപനങ്ങളും രാവിലെ 7 മുതല് രാത്രി 9 വരെ നിയന്ത്രണങ്ങളോടെ പ്രവര്ത്തിക്കാം.
കര്ശന നിയന്ത്രണം നടപ്പാക്കാന് വഴിനീളെ പരിശോധനയുമായി പൊലീസ് ഇറങ്ങും. ലംഘിക്കുന്നവര്ക്കെതിരെ കേസും പിഴയുമുണ്ടാവും. കോവിഡ് പ്രതിരോധവുമായി ബന്ധപ്പെട്ടതും അവശ്യവിഭാഗത്തിലുള്പ്പെട്ടതുമായ കേന്ദ്ര-സംസ്ഥാന, അര്ധസര്ക്കാര് സ്ഥാപനങ്ങള്, 24 മണിക്കൂറും പ്രവര്ത്തിക്കുന്ന വ്യവസായ സ്ഥാപനങ്ങള്, മെഡിക്കല് സ്റ്റോറുകളടക്കമുള്ള ആരോഗ്യസ്ഥാപനങ്ങള്, ടെലികോം-ഇന്റര്നെറ്റ് കമ്പനികള് ഇവയ്ക്കാണ് തുറക്കാന് അനുവാദമുള്ളത്.
പഴം-പച്ചക്കറി-പലചരക്ക്-പാല്, മല്സ്യം-മാംസം എന്നിവ വില്ക്കുന്ന കടകള് രാവിലെ 7 മുതല് 9 വരെ തുറക്കാം. ഹോട്ടലുകളും ബേക്കറികളും തുറക്കാമെങ്കിലും പാഴ്സല് വിതരണവും ഹോം ഡെലിവറിയുമേ അനുവദിക്കൂ. ഇരുത്തി ഭക്ഷണമില്ല. യാത്രകള്ക്കും കര്ശന നിയന്ത്രണമാണ്.