മലപ്പുറം: കൊവിഡ് പ്രോട്ടോക്കോള് ലംഘിച്ച് ഉത്സവം നടത്തിയതിന് കമ്മിറ്റിക്കാരടക്കം അഞ്ഞൂറിലധികം പേര്ക്കെതിരെ കേസെടുത്ത് പോലീസ്. കൊവിഡ് പ്രോട്ടോക്കോള് ലംഘിച്ചതിന് പുറമെ മൂന്കൂര് അനുമതിപോലും വാങ്ങാതെ അൂഞ്ഞൂലധികംപേരെ പങ്കെടുപ്പിച്ച് ഉത്സവം നടത്തിയതിനാണ് അഞ്ഞൂറിലധികംപേര്ക്കെതിരെ കേസെടുത്തിരിക്കുന്നത്.
നിലവില് ഉത്സവങ്ങള്ക്ക് 200 പേര്ക്ക് മാത്രം അനുവാദമുള്ളുവെന്നിരിക്കെ കൊവിഡ് പ്രോട്ടോക്കോള് ലംഘിച്ചത് വന്ചട്ടംലംഘനമായി ചൂണ്ടിക്കാട്ടിയാണ് ക്ഷേത്ര ഉത്സവ കമ്മിറ്റിക്കാരടക്കം 500 ഓളം പേര്ക്കെതിരേ പരപ്പനങ്ങാടി പോലീസ് കേസെടുത്തത്.
ഉത്സവങ്ങള് നടത്തുന്നതിന് പോലീസിന്റെ അനുമതി വാങ്ങണമെന്ന സര്ക്കാര് നിര്ദേശത്തിന് വിരുദ്ധമായി ഉത്സവം നടത്തിയ കൊടക്കാട് കൂട്ടുമൂച്ചി പാറക്കല് കുടുംബക്ഷേത്ര ഉല്സവ കമ്മിറ്റിക്കാര്ക്കെതിരേയും അതില് പങ്കെടുത്തവര്ക്കെതിരേയുമാണ് കേസ് രജിസ്റ്റര് ചെയ്തതെന്ന് പോലീസ് പറഞ്ഞു.
പോലീസ് പരിശോധന നടത്തിയ സമയം 500ന് മുകളില് ആളുകള് ഉത്സവ സ്ഥലത്തുണ്ടായിരുന്നു. കൊവിഡ് രോഗവുമായി ബന്ധപ്പെട്ട സര്ക്കാരിന്റെ നിര്ദേശങ്ങള് അവഗണിച്ച് അനുമതി വാങ്ങാതെ ഉത്സവം നടത്തിയതിനും രോഗം പകരാന് ഇടയാവും വിധം ആളുകളെ കൂട്ടംകൂടാന് സാഹചര്യമൊരുക്കിയതിനുമാണ് കേസെടുത്തിരിക്കുന്നത്.