കാസര്‍കോട് : സംസ്ഥാനത്ത് തെരുവുനായ്ക്കളുടെ ശല്യം വര്‍ധിക്കുകയാണ്. നിരവധി പേര്‍ക്കാണ് നായയുടെ ആക്രമണത്തില്‍ ഇതിനോടകം പരിക്കേറ്റത്. ഇപ്പോഴിതായ തെരുവുനായകളുടെ ഭീഷണി നേരിടാന്‍ മദ്രസ വിദ്യാര്‍ഥികളുടെ സംരക്ഷണത്തിനായി തോക്കുമായി നടക്കുന്ന ഒരു രക്ഷിതാവിന്റെ അകമ്പടി യാത്രയുടെ വീഡിയോയാണ് വൈറലാവുന്നത്.
സമൂഹമാധ്യമങ്ങളില്‍ വൈറലാകുന്ന വീഡിയോ കാസര്‍കോട് നിന്നുള്ളതാണ്. കാസര്‍കോട് ബേക്കല്‍ ഹദ്ദാദ് നഗറിലെ സമീറാണ് വിദ്യാര്‍ത്ഥികള്‍ക്ക് തോക്കുമായി അകമ്പടി പോയത്. മദ്രസയിലേക്ക് പോകുന്ന 13 ഓളം വിദ്യാര്‍ഥികള്‍ക്ക് മുന്നില്‍ തോക്കുമായി നീങ്ങുന്ന സമീറിനെ ദൃശ്യങ്ങളില്‍ കാണാം.
കുട്ടികളെ ഏതെങ്കിലും നായ ഓടിച്ചാല്‍ തോക്കെടുത്ത് വെടിവെച്ച് കൊല്ലുമെന്ന് സമീര്‍ പറയുന്നതും വീഡിയോയിലുണ്ട്. ഇയാളുടെ മകനാണ് ദൃശ്യങ്ങള്‍ സമൂഹ മാധ്യമങ്ങളില്‍ പങ്കുവെച്ചത്. വീഡിയോ ഇതിനോടം സോഷ്യല്‍മീഡിയയില്‍ വൈറലായിക്കഴിഞ്ഞു.
also read: പന്നിക്കെണിയില്‍ നിന്ന് ഷോക്കേറ്റു, യുവാവ് കൃഷിയിടത്തില്‍ മരിച്ച നിലയില്‍
എയര്‍ഗണാണ് കയ്യിലുള്ളതെന്നും നായയെ വെടിവെച്ചിട്ടില്ലെന്നുമാണ് ദൃശ്യങ്ങള്‍ പ്രചരിക്കപ്പെട്ടതോടെ സമീര്‍ പറയുന്നത്. വീഡിയോ കാണാം.
