തിരുവനന്തപുരം: കേരളത്തില് അടുത്ത അഞ്ചുദിവസം വ്യാപകമായ മഴക്ക് സാധ്യതയെന്ന് കാലാവസ്ഥ വകുപ്പിന്റെ മുന്നറിയിപ്പ്. തിങ്കളാഴ്ച മുതല് ബുധനാഴ്ച വരെയുള്ള ദിവസങ്ങളില് കേരളത്തില് ഒറ്റപ്പെട്ട സ്ഥലങ്ങളില് അതിശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഇന്ന് നാല് ജില്ലകളില് യെല്ലോ അലേര്ട്ട് പ്രഖ്യാപിച്ചു. കൊല്ലം, പത്തനംതിട്ട, ഇടുക്കി, മലപ്പുറം എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. ലക്ഷദ്വീപിനും തെക്കു കിഴക്കന് അറബിക്കടലിനും സമീപമായി ചക്രവാതചുഴി നിലനില്ക്കുന്നു.
also read:ദേഹത്തേക്ക് ചാടിക്കയറി ആക്രമിച്ച പുലിയെ വാക്കത്തി കൊണ്ട് വെട്ടി, സ്വയരക്ഷാര്ഥമെന്ന് വനംവകുപ്പ്
ഇതില് നിന്ന് ഒരു ന്യൂനമര്ദ്ദ പാത്തി മഹാരാഷ്ട്ര വരെയും മറ്റൊരു ന്യൂനമര്ദ്ദ പാത്തി തെക്കു കിഴക്കന് ബംഗാള് ഉള്ക്കടല് വരെയും നിലനില്ക്കുന്നു. ഇതിന്റെ ഫലമായാണ് കേരളത്തില് മഴ കനക്കുന്നത്.
കേരള-ലക്ഷദ്വീപ്-കര്ണാടക തീരങ്ങളില് 40 മുതല് 50 കിലോമീറ്റര് വേഗതയിലും ചില അവസരങ്ങളില് മണിക്കൂറില് 60 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത. അതിനാല് മത്സ്യബന്ധനത്തിനു പോകാന് പാടുള്ളതല്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.