തൃശൂര്: വിഷം നല്കി പെറ്റമ്മയെ കൊലപ്പെടുത്തിയ മകള് അച്ഛനെയും കൊല്ലാന് ശ്രമം. തൃശ്ശൂരിലാണ് സംഭവം. ഇന്ദുലേഖ എന്ന യുവതിയാണ് മാതാപിതാക്കളോട് കൊടുംക്രൂരത ചെയ്തത്. പതിനാല് സെന്റ് ഭൂമിയും വീടും കൈവശപ്പെടുത്താനായിരുന്നു മകള് ഇന്ദുലേഖ മാതാപിതാക്കള്ക്ക് വിഷം നല്കിയതെന്നും പൊലീസ് പറയുന്നു.
പാറ്റയെ കൊല്ലാനുള്ള കീടനാശിനി ചായയില് കലര്ത്തി നല്കുകയായിരുന്നു. എന്നാല് രുചി വ്യത്യാസം തോന്നിയതിനെത്തുടര്ന്ന് അച്ഛന് ചന്ദ്രന് ചായ കുടിച്ചില്ല. ഭക്ഷണത്തില് വിഷം കലര്ത്തി നല്കിയത് കഴിച്ച അമ്മ രുഗ്മിണി (58) കഴിഞ്ഞ തിങ്കളാഴ്ച മരിച്ചിരുന്നു.
also read: കൈകള് കെട്ടിയിട്ടു, വായില് തുണിതിരുകി, വീട്ടമ്മ കിണറ്റില് മരിച്ചനിലയില്
സംഭവത്തില് ഇന്ദുലേഖയെ പൊലീസ് കസ്റ്റഡിയിലെടുത്തിട്ടുണ്ട്. ഇന്ദുലേഖയുടെ ഭര്ത്താവ് വിദേശത്താണ്. സ്വര്ണം പണയം വെച്ച വകയില് എട്ടുലക്ഷം രൂപ ഇന്ദുലേഖയ്ക്ക് കടമുണ്ടായിരുന്നു. കുട്ടികള്ക്കൊപ്പം കീഴൂരിലെ വീട്ടിലാണ് ഇവര് താമസിച്ചിരുന്നത്.
ഇന്ദുലേഖയുടെ പേരിലാണ് വീടും സ്ഥലവും പറഞ്ഞുവെച്ചിരുന്നത്. മാതാപിതാക്കളെ ഒഴിവാക്കി ഇതു കൈക്കലാക്കി കടബാധ്യത വീട്ടാനുള്ള ലക്ഷ്യത്തിന്റെ ഭാഗമായാണ് ഇന്ദുലേഖ കൃത്യം നടത്തിയതെന്നാണ് പൊലീസിന്റെ നിഗമനം. ഇക്കഴിഞ്ഞ 18 ന് വിദേശത്തായിരുന്ന മകളുടെ ഭര്ത്താവിനെ കൊണ്ടുവരാന് മകള്ക്കൊപ്പം നെടുമ്പാശേരിയില് പോയിരുന്നു. മടങ്ങി വരുന്നതിനിടെ കഴിച്ച ഭക്ഷണത്തില് വിഷം കലര്ത്തിയെന്നാണ് കരുതുന്നത്.