തിരുവനന്തപുരം: സംസ്ഥാനത്ത് റേഷന് കാര്ഡ് ഉടമകള്ക്കുള്ള സൗജന്യ ഓണക്കിറ്റ് വിതരണം ഇന്ന് മുതല് ആരംഭിക്കും. ഓണക്കിറ്റ് വിതരണത്തിന്റെ സംസ്ഥാന തല ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. 14 ഇനങ്ങളാണ് ഓണക്കിറ്റിലുള്ളത്.
also read: അതിശക്തമായ മഴയ്ക്കും കാറ്റിനും സാധ്യത, മൂന്ന് ജില്ലകളില് യെല്ലോ അലര്ട്ട്, ജാഗ്രതാനിര്ദേശം
ഇന്നും നാളെയും മഞ്ഞ കാര്ഡ് ഉടമകള്ക്ക് സൗജന്യ കിറ്റ് വാങ്ങാം. ഈ മാസം 25,26,27 തീയതികളില് പിങ്ക് കാര്ഡ് ഉടമകള്ക്ക് കിറ്റ് വിതരണം ചെയ്യും. 29,30,31 തീയതികളില് നീല കാര്ഡ് ഉടമകള്ക്കും കിറ്റ് ലഭിക്കും. സെപ്റ്റംബര് 1,2,3 തീയതികളില് നീല കാര്ഡ് ഉടമകള്ക്കും കിറ്റ് വിതരണം ചെയ്യുന്നതാണ്.
also read: ഭക്ഷണവും വെള്ളവും കിട്ടാതെ കഴിഞ്ഞത് 10 ദിവസത്തോളം, ഡല്ഹിയില് മലയാളിക്ക് ദാരുണാന്ത്യം
ഈ തീയതികളില് വാങ്ങാന് കഴിയാത്ത റേഷന് കാര്ഡ് ഉടമകള്ക്ക് സെപ്റ്റംബര് 4,5,6,7 തീയതികളില് സംസ്ഥാനത്തെ ഏതു റേഷന് കടയില് നിന്നും സൗജന്യ ഓണക്കിറ്റ് വാങ്ങാവുന്നതാണ്. ഇതിനായുള്ള പോര്ട്ടബിലിറ്റി സംവിധാനവും ഒരുക്കിയതായി ഭക്ഷ്യമന്ത്രി ജി ആര് അനില് പറഞ്ഞു.
അതേസമയം, സെപ്റ്റംബര് ഏഴിന് ശേഷം കിറ്റ് വിതരണം ഉണ്ടായിരിക്കുന്നതല്ല. സെപ്റ്റംബര് നാലാം തീയതി ഞായറാഴ്ചയാണെങ്കിലും റേഷന് കടകള് തുറന്നു പ്രവര്ത്തിക്കുന്നതാണ്. സെപ്റ്റംബര് മൂന്നുവരെ പോര്ട്ടബിലിറ്റി ഒഴിവാക്കിയത് വിതരണത്തിനുള്ള സൗകര്യം കണക്കിലെടുത്താണെന്നും ഭക്ഷ്യമന്ത്രി അറിയിച്ചു.