തിരുവനന്തപുരം: സംസ്ഥാനത്ത് കൊവിഡ് കേസുകള് ഉയരുകയാണ്. മുന്കരുതല് ശക്തമാക്കുന്നതിന്റെ ഭാഗമായി മാസ്ക് ധരിക്കുന്നതു സര്ക്കാര് നിര്ബന്ധമാക്കിയിരിക്കുകയാണ്. ഇന്നുമുതല് പൊലീസ് പരിശോധനയും ശക്തമാക്കും.
പരിശോധന പുനഃരാരംഭിക്കാനും നിര്ദേശം ലംഘിക്കുന്നവരില് നിന്നും പിഴ ഈടാക്കാനും ജില്ലാ പൊലീസ് മേധാവികള്ക്ക് നിര്ദേശം നല്കിയിരുന്നു. മാസ്ക് ധരിക്കുന്നതില് വീഴ്ച വരുത്തുന്നവരില് നിന്നും 500 രൂപയായിരിക്കും പിഴയീടാക്കുക.
also read: ഉത്തർപ്രദേശിൽ പശുവിനെ ലൈംഗികമായി പീഡിപ്പിച്ചു; അറസ്റ്റ്
കോവിഡിന്റെ ആദ്യ തരംഗത്തില് 200 രൂപയായിരുന്ന പിഴ പിന്നീട് 500 ആക്കി ഉയര്ത്തുകയായിരുന്നു. ദുരന്ത നിവാരണ നിയമം (2005) പ്രകാരം പിഴ ഈടാക്കാനാണ് നിര്ദേശം.
സംസ്ഥാനത്ത് ഒരു ഇടവേളക്ക് ശേഷമാണ് വീണ്ടും മാസ്ക് നിര്ബന്ധമാക്കി സര്ക്കാര് ഉത്തരവിറക്കിയത്. കൊവിഡ് വ്യാപിക്കുന്ന പശ്ചാത്തലത്തിലാണ് തീരുമാനം. പൊതുസ്ഥലങ്ങളിലും, തൊഴിലിടങ്ങളിലും, യാത്ര ചെയ്യുമ്പോഴും മാസ്ക് ധരിക്കല് നിര്ബന്ധമാണ്. ഉത്തരവ് കര്ശനമായി നടപ്പാക്കാനാണ് ആരോഗ്യ വകുപ്പിന്റെ നിര്ദേശം.