കോട്ടയം: കരിമൂര്ഖന്റെ കടിയേറ്റ് കോട്ടയം മെഡിക്കല് കോളേജ് ആശുപത്രിയില് ചികിത്സയില് കഴിയുന്ന വാവ സുരേഷ് ഇന്ന് ആശുപത്രി വിടും. അദ്ദേഹത്തെ ഇന്ന് ഡിസ്ചാര്ജ് ചെയ്യുമെന്ന് ഡോക്ടര്മാര് അറിയിച്ചു. വാവ സുരേഷിന്റെ ആരോഗ്യ നില പഴയ നിലയിലേക്ക് തിരിച്ചെത്തിയതായി ഡോക്ടര്മാര് പറഞ്ഞു.
അതേസമയം, അണുബാധക്ക് സാധ്യതയുള്ളതിനാല് വീട്ടിലെത്തിയാലും സൂക്ഷിക്കണമെന്നും സന്ദര്ശകരെ ഒഴിവാക്കണമെന്നും നിര്ദേശമുണ്ട്. പാമ്പു കടിയേറ്റിടത്തെ മുറിവ് ഉണങ്ങിവരുന്നുണ്ട്. കഴിഞ്ഞ തിങ്കളാഴ്ചയാണ് കോട്ടയം കുറിച്ചി നീലംപേരൂരില് വാവ സുരേഷിന് മൂര്ഖന് പാമ്പിന്റെ കടിയേറ്റത്.
also read: കുളിച്ചുവരാമെന്ന് പറഞ്ഞ് മുറിയില് കയറി, വിവാഹദിവസം രാവിലെ വധു ജീവനൊടുക്കിയ നിലയില്
ഗുരുതരാവസ്ഥയില് ആദ്യം കോട്ടയത്തെ സ്വകാര്യ ആശുപത്രിയിലും പിന്നീട് മെഡിക്കല് കോളജ് ആശുപത്രിയിലേക്കും മാറ്റുകയായിരുന്നു. 65 കുപ്പി ആന്റിവെനമാണ് അദ്ദേഹത്തിന്റെ ജീവന് തുണയായത്. സാധാരണ പാമ്പുകടിയേറ്റയാള്ക്ക് 25 കുപ്പിയാണ് ഉപയോഗിക്കുന്നത്.