തിരുവനന്തപുരം: സംസ്ഥാനത്ത് ഇന്ന് കടുത്ത നിയന്ത്രണങ്ങള്. അവശ്യ സര്വ്വീസുകള്ക്ക് മാത്രമാണ് ഇന്ന് അനുമതി. മൂന്നാം തരംഗത്തിന്റെ പശ്ചാത്തലത്തില് ഞായറാഴ്ചകളില് ഏര്പ്പെടുത്തിയ നിയന്ത്രണങ്ങള് അതേപടി തുടരാന് അവലോകന യോഗത്തില് തീരുമാനമായിരുന്നു.
എ, ബി, സി കാറ്റഗറി അടിസ്ഥാനത്തിലാണ് നിയന്ത്രണങ്ങള്. ആരാധനാലയങ്ങളില് ഇരുപതുപേരില് കൂടുതല് പാടില്ല. അതേസമയം, സ്റ്റാഫ് സെലക്ഷന് കമ്മീഷന് രാജ്യവ്യാപകമായി നടത്തുന്ന കമ്പൈന്ഡ് ഗ്രാഡുവേറ്റ് ലെവല് പരീക്ഷയെഴുതുന്നവര്ക്കും പരീക്ഷാ ചുമതലയുള്ള ജീവനക്കാര്ക്കും യാത്രാ തടസമുണ്ടാകില്ലെന്ന് പൊതുഭരണ വകുപ്പ് അറിയിച്ചിട്ടുണ്ട്.
പരീക്ഷ തടസമില്ലാതെ കൃത്യമായി നടത്തും. ഉദ്യോഗാര്ഥികള്ക്കും പരീക്ഷാ ചുമതലയുള്ള ജീവനക്കാര്ക്കും യാത്ര ചെയ്യുന്നതിനു തടസമാകാത്ത രീതിയിലുള്ള ക്രമീകരണങ്ങള് സ്വീകരിക്കുന്നതിനു സംസ്ഥാന പൊലീസ് മേധാവിക്കു നിര്ദേശം നല്കി.
കടുത്ത നിയന്ത്രണങ്ങളുള്ള സി കാറ്റഗറിയില് കൊല്ലം മാത്രമാണ് നിലവിലുള്ളത്. ബി കാറ്റഗറിയില് 10 ജില്ലകളുണ്ട്. എ കാറ്റഗറിയില് മലപ്പുറം, കോഴിക്കോട് ജില്ലകളാണ് ഉള്പ്പെട്ടിട്ടുള്ളത്. കാസര്കോട് ഒരു കാറ്റഗറിയിലും ഉള്പ്പെട്ടിട്ടില്ല.