തിരുവനന്തപുരം: സംസ്ഥാനത്ത് കോവിഡ് വ്യാപനത്തില് നേരിയ കുറവ് അനുഭവപ്പെടുന്നതായി മുഖ്യമന്ത്രി പിണറായി വിജയന്. കോവിഡ് അവലോകനയോഗത്തിലാണ് മുഖ്യമന്ത്രി ഇക്കാര്യം പറഞ്ഞത്. ഗുരുതര രോഗമുള്ളവര്ക്ക് കോവിഡ് പോസിറ്റീവ് ആണെങ്കിലും ആശുപത്രിയില് ചികിത്സ നിഷേധിച്ചാല് കര്ശന നടപടി സ്വീകരിക്കാന് മുഖ്യമന്ത്രി നിര്ദേശിച്ചു.
സംസ്ഥാനത്തെ എല്ലാ സര്ക്കാര് സ്വകാര്യ ആശുപത്രികള്ക്കും ഇതു ബാധകമാണ്. ഫെബ്രുവരി 6 ഞായറാഴ്ച അവശ്യ സര്വ്വീസുകള് മാത്രമേ അനുവദിക്കുകയുള്ളൂ. ആദ്യഘട്ടത്തില് കോവിഡ് വ്യാപനം വര്ധിച്ചു നിന്ന തിരുവനന്തപുരം, വയനാട്, കാസര്ഗോഡ് ജില്ലകളില് വ്യാപനം കുറഞ്ഞിട്ടുണ്ട്.
also read: സംസ്ഥാനത്ത് ഇന്ന് 42,154 പേര്ക്ക് കോവിഡ്; 38,458 പേര് രോഗമുക്തി നേടി
ആശുപത്രികളിലും, ഐ.സി.യുവിലും പ്രവേശിപ്പിക്കുന്നവരുടെ എണ്ണം കണക്കിലെടുക്കുമ്പോള് സ്ഥിതിഗതികള് നിയന്ത്രണത്തിലാണ്. എ, ബി, സി കാറ്റഗറി അടിസ്ഥാനമാക്കി ജില്ലാ അടിസ്ഥാനത്തില് ഏര്പ്പെടുത്തിയിയ നിയന്ത്രണങ്ങള് തുടരും. സംസ്ഥാനത്തെ രണ്ടാം ഡോസ് വാക്സിനേഷന് 84 ശതമാനവുംകുട്ടികളുടെ വാക്സിനേഷന് 71 ശതമാനവും പൂര്ത്തീകരിച്ചു.
വാക്സിനേഷന് ത്വരിതപ്പെടുത്താന് ആരോഗ്യ വകുപ്പിനോട് മുഖ്യമന്ത്രി നിര്ദ്ദേശിച്ചു. കോവിഡ് മരണ ധന സഹായത്തിനായി ലഭിച്ച 45,000 അപേക്ഷകളില് 40,410 പേര്ക്ക് ധന സഹായം നല്കി. പതിനൊന്ന് ലക്ഷത്തോളം പേര് നിലവില് തദ്ദേശ സ്വയംഭരണ പ്രദേശങ്ങളില് കോവിഡ് നിയന്ത്രണ പ്രവര്ത്തനങ്ങളില് സജീവമാണ്.