തിരുവനന്തപുരം: കേരളത്തില് കോവിഡ് വ്യാപനം കുറയുന്നതായി ആരോഗ്യമന്ത്രി വീണാ ജോര്ജ്. ആദ്യ കോവിഡ് കേസ് റിപ്പോര്ട്ട് ചെയ്തിട്ട് രണ്ടുവര്ഷമാകുന്നതിന്റെ പശ്ചാത്തലത്തിലാണ് മന്ത്രിയുടെ വാക്കുകള്. കോവിഡ് മൂന്നാംതരംഗത്തില് ഒമൈക്രോണ് വകഭേദമാണ് പടരുന്നതെന്നും മന്ത്രി പറഞ്ഞു.
അടുത്ത മൂന്നാഴ്ചക്കകം കോവിഡ് കേസുകള് നല്ലരീതിയില് കുറയുമെന്നാണ് പ്രതീക്ഷിക്കുന്നതെന്ന് വീണാ ജോര്ജ് മാധ്യമങ്ങളോട് പറഞ്ഞു. രോഗം ബാധിച്ച ഒട്ടുമിക്ക ആളുകളിലും ഒമൈക്രോണ് വകഭേദമാണ് കണ്ടെത്തിയതെന്നും ഒമൈക്രോണിനെ നിസാരമായി കാണരുതെന്നും മന്ത്രി കൂട്ടിച്ചേര്ത്തു.
ജാഗ്രത തുടരണം. നിലവില് വ്യാപനതോത് കുറഞ്ഞിട്ടുണ്ട്. അടുത്ത മൂന്നാഴ്ചക്കകം കോവിഡ് കേസുകള് ഗണ്യമായി കുറയുമെന്നാണ് പ്രതീക്ഷിക്കുന്നതെന്നും മന്ത്രി പറഞ്ഞു.
ജനുവരി ഒന്നിനെ അടിസ്ഥാനമാക്കിയാണ് വിലയിരുത്തല്. കഴിഞ്ഞ ആഴ്ചകളില് വ്യാപനത്തിന്റെ വളര്ച്ചാനിരക്ക് 200 ശതമാനം കടന്നും മുന്നോട്ടു പോയിരുന്നു. ഇപ്പോള് 58 ശതമാനത്തിലാണ്. വരും ദിവസങ്ങളില് വ്യാപനം കുറയുമെന്നാണ് വിലയിരുത്തല്.