കിളിമാനൂര്: വീടിനുള്ളില് ആത്മഹത്യക്ക് ശ്രമിച്ച പ്ലസ് ടു വിദ്യാര്ഥിനി മരിച്ചു. കിളിമാനൂര് കാട്ടുംപുറം കൊല്ലുവിള അജ്മി മന്സിലില് നാസര്-ഷീബ ദമ്പതികളുടെ മകള് അല്ഫിന ആണ് മരിച്ചത്. പതിനേഴ് വയസ്സായിരുന്നു. സ്കൂളില് നിന്ന് തിരികെയെത്തിയതിന് പിന്നാലെയാണ് പെണ്കുട്ടി ആത്മഹത്യയ്ക്ക് ശ്രമിച്ചത്.
ബുധനാഴ്ച വൈകിട്ട് മൂന്നരമണിയോടെയാണ് സംഭവം. കിളിമാനൂര് ഗവ. ഹയര്സെക്കന്ഡറി സ്കൂളിലെ പ്ലസ് ടു ഹ്യുമാനിറ്റീസ് വിദ്യാര്ഥിനിയാണ് അല്ഫിന. സ്കൂളില് പോയി തിരികെയെത്തിയ അല്ഫിന മുറിയില് കയറി ആത്മഹത്യക്ക് ശ്രമിക്കുകയായിരുന്നു.
also read: രോഗികളുടെ എണ്ണം ഉയരുന്നു, കേരളത്തില് ഇന്ന് 4801 പേര്ക്ക് കോവിഡ്, 29 മരണം
അവശനിലയിലായ അല്ഫിനയെ ബന്ധുക്കള് ഉടന് വെഞ്ഞാറമൂട്ടിലെ സ്വകാര്യ മെഡിക്കല് കോളജ് ആശുപത്രിയില് എത്തിച്ചെങ്കിലും മരിച്ചു. മൃതദേഹം സ്വകാര്യ മെഡിക്കല് കോളജ് മോര്ച്ചറിയില്. പോസ്റ്റ് മോര്ട്ടം നടത്തിയ ശേഷം മൃതദേഹം ബന്ധുക്കള്ക്ക് വിട്ടുനല്കും. സംഭവത്തില് കിളിമാനൂര് പൊലീസ് കേസെടുത്തു. വിദേശത്തുള്ള പിതാവ് എത്തിയതിന് ശേഷമായിരിക്കും ഖബറടക്കം. സഹോദരി അജ്മി.