കണ്ണൂര്: ബസ് യാത്രയ്ക്കിടെ പോക്കറ്റിലുണ്ടായിരുന്ന മൊബൈല് ഫോണ് പൊട്ടിത്തെറിച്ചു. മെഡിക്കല് വിദ്യാര്ഥിക്കു ഗുരുതരമായി പരിക്കേറ്റു. പരിയാരം ഗവ. മെഡിക്കല് കോളജ് രണ്ടാം വര്ഷ എംബിബിഎസ് വിദ്യാര്ഥി വടകര സ്വദേശി റോഷി (21)യ്ക്കാണ് പരിക്കേറ്റത്.
യുവാവിനെ തളിപ്പറമ്പ് ലൂര്ദ് ആശുപത്രിയില് പ്രവേശിപ്പിച്ചു. ഇന്നലെ രാത്രിയിലായിരുന്നു സംഭവം. ബസില് പരിയാരത്തേക്കു പോകുമ്പോള് ബസ് കേടായി നിര്ത്തിയിരിക്കുകയായിരുന്നു. അതിനിടയിലാണു റോഷിയുടെ പോക്കറ്റില് ഉണ്ടായിരുന്ന മൊബൈല് ഫോണ് പൊട്ടിത്തെറിച്ചത്.
കാലുകള്ക്ക് സാരമായി പൊള്ളലേറ്റ റോഷിയെ ഉടന് തന്നെ ലൂര്ദ് ആശുപത്രിയില് പ്രവേശിപ്പിക്കുകയായിരുന്നു. തുടര്ന്ന് പരിയാരം മെഡിക്കല് കോളജ് ആശുപത്രിയിലേക്ക് മാറ്റി. ഇപ്പോള് ചികിത്സയില് കഴിയുകയാണ്.