തിരുവനന്തപുരം: കേരളത്തില് ഇന്നും കനത്തമഴയ്ക്ക് സാധ്യത. ഇന്ന് ആറു ജില്ലകളില് ഓറഞ്ച് അലര്ട്ട് പുറപ്പെടുവിച്ചിട്ടുണ്ട്. പത്തനംതിട്ട, ഇടുക്കി, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് തീവ്ര മഴ മുന്നറിയിപ്പ് പുറപ്പെടുവിച്ചിട്ടുള്ളത്.
തിരുവനന്തപുരം, കൊല്ലം, ആലപ്പുഴ ഒഴികെയുള്ള ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. കേരളത്തില് തീവ്ര മഴ മുന്നറിയിപ്പ് നല്കിയിട്ടുള്ളത് തെക്ക് കിഴക്കന് അറബിക്കടലില് സ്ഥിതി ചെയ്യുന്ന ന്യൂനമര്ദ്ദത്തിന്റെ സ്വാധീനത്തില് കിഴക്കന് കാറ്റ് ശക്തി പ്രാപിക്കുന്നതിനാലാണ്.
തെക്ക് കിഴക്കന് ബംഗാള് ഉള്ക്കടലില് രൂപം കൊണ്ട ന്യുനമര്ദ്ദം കന്യാകുമാരി ഭാഗത്തു നിന്ന് ഇന്നലെ രാവിലെയാണ് അറബിക്കടലില് പ്രവേശിച്ചത്. ലക്ഷദ്വീപ് മുതല് കര്ണാടക തീരം വരെ ന്യുന മര്ദ്ദ പാത്തി രൂപപ്പെട്ടിട്ടുണ്ട്. ന്യുനമര്ദ്ദ സ്വാധീനഫലമായി തെക്കേ ഇന്ത്യക്ക് മുകളില് കിഴക്കന് കാറ്റ്ശക്തമാകുമെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.