കോഴിക്കോട്: 17കാരിയെ കൂട്ടബലാത്സംഗം ചെയ്ത സംഭവത്തില് നാലു പേര് അറസ്റ്റില്. കാവിലുംപാറ സ്വദേശി അക്ഷയ് (22), മൊയിലോത്തറ സ്വദേശികളായ രാഹുല് (22), സായൂജ് (24), അടുക്കത്ത് സ്വദേശി ഷിബു (32) എന്നിവരാണ് അറസ്റ്റിലായത്. ഇവരെ പോക്സോ കോടതിയില് ഹാജരാക്കും. വിനോദ സഞ്ചാര കേന്ദ്രം കാണിക്കാമെന്ന് പറഞ്ഞാണ് പെണ്കുട്ടിയെ എത്തിച്ചത്.
ശേഷം കൂട്ട ബലാത്സംഗത്തിനിരയാക്കുകയായിരുന്നു. കോഴിക്കോട് തൊട്ടില്പ്പാലത്ത് ഒക്ടോബര് മൂന്നിനാണ് കേസിനാസ്പദമായ സംഭവം. സുഹൃത്തായ യുവാവാണ് പെണ്കുട്ടിയെ കൂട്ടിക്കൊണ്ട് പോയത്. ശേഷം, വിനോദസഞ്ചാര കേന്ദ്രത്തിലെത്തിച്ച് ശീതളപാനീയത്തില് മയക്കുമരുന്ന് കലര്ത്തി നല്കിയ ശേഷം സുഹൃത്തും ഒപ്പമുണ്ടായിരുന്ന മൂന്ന് യുവാക്കളും ചേര്ന്ന് ഇരയാക്കുകയായിരുന്നു.
പീഡന വിവരം പുറത്ത് അറിയിച്ചാല് കൊന്നുകളയുമെന്ന് യുവാക്കള് പെണ്കുട്ടിയെ ഭീഷണിപ്പെടുത്തുകയും ചെയ്തു. പിന്നീട് ഇവര് പെണ്കുട്ടിയെ അവരുടെ ബന്ധുവീടിന് സമീപം കൊണ്ടെത്തിച്ച ശേഷം രക്ഷപ്പെടുകയായിരുന്നു.