തിരുവനന്തപുരം : കേരളത്തില് വരും ദിവസങ്ങളിലും മഴ തുടരുമെന്ന് കാലാവസ്ഥ നിരീക്ഷണ കേന്ദ്രം. മിക്ക ജില്ലകളിലും കനത്ത മഴ തുടരുകയാണ്. ഇന്ന് 10 ജില്ലകളില് യെല്ലോ അലര്ട്ട് പുറപ്പെടുവിച്ചിട്ടുണ്ട്. മറ്റന്നാള് മുതല് അതിതീവ്ര മഴയുണ്ടാകുമെന്നാണ് മുന്നറിയിപ്പ്.
ഇന്ന് തൃശൂര്, വയനാട്, കണ്ണൂര്, കാസര്കോട് ഒഴികെയുള്ള ജില്ലകളിലാണ് മഞ്ഞ ജാഗ്രതാനിര്ദേശം പുറപ്പെടുവിച്ചിട്ടുള്ളത്. നാളെയും ഈ പത്തു ജില്ലകളില് യെല്ലോ അലര്ട്ടുണ്ട്. മറ്റന്നാള് മുതല് അതിതീവ്ര മഴയ്ക്ക് സാധ്യതയുള്ളതിനാല് ആറു ജില്ലകളില് ഓറഞ്ച് അലര്ട്ട് പുറപ്പെടുവിച്ചു.
കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് ഓറഞ്ച് അലര്ട്ട്. തിങ്കള്, ചൊവ്വ, ബുധന് ദിവസങ്ങളില് ഈ ജില്ലകളില് അതി തീവ്ര മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. തിങ്കള് മുതല് ബുധന് വരെ പാലക്കാട്, മലപ്പുറം, കോഴിക്കോട് ജില്ലകളില് യെല്ലോ അലര്ട്ടും പുറപ്പെടുവിച്ചിട്ടുണ്ട്.