തിരുവനന്തപുരം: ഇന്നും നാളെയും മറ്റന്നാളും സംസ്ഥാനത്ത് കോവിഡ് നിയന്ത്രണങ്ങളില് ഇളവ് നല്കിയിരിക്കുകയാണ്. ബക്രീദ് പ്രമാണിച്ചാണ് ഇളവ്. കോവിഡ് വ്യാപനം തുടരുന്നതിനാല് ഇളവുകളോട് പൊതുജനം ജാഗ്രതയോടെ വേണം പെരുമാറണമെന്ന് അധികൃതര് വ്യക്തമാക്കിയിട്ടുണ്ട്.
മൂന്ന് ദിവസവും എ,ബി,സി വിഭാഗങ്ങളിലെ മേഖലകളില് അവശ്യവസ്തുക്കള് വില്ക്കുന്ന കടകള്ക്ക് പുറമെ തുണിക്കട, ചെരുപ്പുകട, ഇലക്ട്രോണിക് ഷോപ്പുകള്, ഫാന്സി ഷോപ്പുകള്, സ്വര്ണ്ണക്കട എന്നിവയും തുറക്കാം. രാത്രി 8 മണിവരെയാണ് ഇവയ്ക്ക് തുറന്ന് പ്രവര്ത്തിക്കാന് അനുമതിയുണ്ടാവുക.
ഡി വിഭാഗത്തിലുള്ള പ്രദേശങ്ങളില് ബക്രീദ് പ്രമാണിച്ച്, നിയന്ത്രണങ്ങള്ക്ക് വിധേയമായി തിങ്കളാഴ്ച കടകള് തുറക്കാമെന്ന് മുഖ്യമന്ത്രി ഇന്നലെ വ്യക്തമാക്കിയിരുന്നു. അതേസമയം മാനദണ്ഡം പാലിക്കാതെ തുറന്നു പ്രവര്ത്തിക്കുന്ന സ്ഥാപനങ്ങള്ക്കെതിരെ കര്ശന നടപടി സ്വീകരിക്കുമെന്നും അനാവശ്യ യാത്രയെന്ന് ബോധ്യപ്പെടുന്ന വാഹനങ്ങള് പിടിച്ചെടുക്കാന് പരിശോധനയുണ്ടാകുമെന്നും കോഴിക്കോട് ജില്ലാ കളക്ടര് എന്. തേജ് ലോഹിത് റെഡ്ഡി അറിയിച്ചു. മിഠായി തെരുവിലെ തിരക്ക് നിയന്ത്രിക്കാന് മൂന്ന് ദിവസവും പ്രത്യേക നിരീക്ഷണമൊരുക്കുമെന്നും കളക്ടര് വ്യക്തമാക്കി.