തൃശ്ശൂര്: പത്തുവര്ഷത്തോളം യുവാവ് തന്റെ കാമുകിയെ വീട്ടില് ഒളിപ്പിച്ചു താമസിപ്പിച്ച സംഭവം കേരളക്കരയെ ഒന്നടങ്കം ഞെട്ടിച്ചിരിക്കുകയാണ്. പാലക്കാട് അയിലൂരില് റഹ്മാന് എന്ന യുവാവാണ് തന്റെ കാമുകി സജിതയെ വീട്ടുകാര് പോലുമറിയാതെ മുറിയില് ഇത്രയും വര്ഷം താമസിപ്പിച്ചത്.
സംഭവം വലിയ ചര്ച്ചയായി മാറിയിരിക്കുകയാണിപ്പോള്. ഇതില് പ്രതികരിച്ച് രംഗത്തെത്തിയിരിക്കുകയാണ് ബിജെപി നേതാവ് സന്ദീപ് വചസ്പതി. വന് ക്രിമിനല് പ്രവര്ത്തനമാണ് ഇതെന്ന് സന്ദീപ് വചസ്പതി പറഞ്ഞു. ഫേസ്ബുക്കില് പങ്കുവെച്ച കുറിപ്പിലൂടെയായിരുന്നു പ്രതികരണം.
ഇതിനെ ദിവ്യ പ്രണയമായി അംഗീകരിച്ച് തൊണ്ട തൊടാതെ വിഴുങ്ങാനൊന്നും പറ്റില്ല. ഒരു പെണ്കുട്ടിയെ 10 വര്ഷം ലൈംഗിക അടിമയാക്കിയുള്ള പീഡനമാണ് സംഭവിച്ചത്. മൊയ്തീന്കാഞ്ചന മാല ടൈപ്പ് പ്രണയം ഒന്നുമല്ല. ഇതേപ്പറ്റി സമഗ്രമായ അന്വേഷണം വേണമെന്ന് സന്ദീപ് വചസ്പതി ആവശ്യപ്പെട്ടു.
സന്ദീപ് വചസ്പതിയുടെ ഫേസ്ബുക്ക് കുറിപ്പ്:
ഇതിനെ ദിവ്യ പ്രണയമായി അംഗീകരിച്ച് തൊണ്ട തൊടാതെ വിഴുങ്ങാനൊന്നും പറ്റില്ല. ഒരു പെണ്കുട്ടിയെ 10 വര്ഷം ലൈംഗിക അടിമയാക്കിയുള്ള പീഡനമാണ് സംഭവിച്ചത്. വന് ക്രിമിനല് പ്രവര്ത്തനം. അല്ലാതെ മൊയ്തീന്കാഞ്ചന മാല ടൈപ്പ് പ്രണയം ഒന്നുമല്ല. ഇതേപ്പറ്റി സമഗ്രമായ അന്വേഷണം വേണം. അല്ലാതെ ഇയാള് പറയുന്ന കഥ വിശ്വസിച്ചാല് വലിയ ഒരു കുറ്റകൃത്യമാണ് തേഞ്ഞുമാഞ്ഞു പോവുക. സ്റ്റോക്ഹോം സിന്ഡ്രോം ബാധിച്ച പെണ്കുട്ടിയെ അടിയന്തിരമായി വിദഗ്ധ ചികിത്സയ്ക്ക് വിധേയയാക്കണം.