പത്തനംതിട്ട: പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ച ശേഷം നാടുവിട്ട പ്രതിക്ക കടുത്ത ശിക്ഷ വിധിച്ച് കോടതി. പശ്ചിമ ബംഗാള് മാള്ഡ സ്വദേശി നരേന് ദേബ് നാഥിനെ (30) ആണ് പത്തനംതിട്ട അഡീഷനല് സെഷന്സ് കോടതി ശിക്ഷിച്ചത്.
35 വര്ഷം കഠിനതടവും 50,000 രൂപ പിഴയുമാണ് പീഡനക്കേസിലെ പ്രതിക്ക് കോടതി വിധിച്ച ശിക്ഷ. 2019 ജനുവരിയിലാണ് കേസിനാസ്പദമായ സംഭവം. കെട്ടിട നിര്മാണ ജോലിക്കായി എത്തിയ പ്രതി ജോലി ചെയ്തുവന്ന വീടിനടുത്ത് താമസിച്ചിരുന്ന പെണ്കുട്ടിയെ പലതവണ പീഡനത്തിന് ഇരയാക്കുകയായിരുന്നു.
തുടര്ന്ന് പെണ്കുട്ടി ഗര്ഭിണിയാണെന്ന് അറിഞ്ഞതോടെ ജൂണിലാണ് വീട്ടുകാര് പരാതി നല്കിയത്. പരാതി നല്കിയത് അറിഞ്ഞതോടെ ഇയാള് പശ്ചിമബംഗാളിലേക്ക് മുങ്ങി. തുടര്ന്ന് അന്നത്തെ പുളിക്കീവ് എസ്ഐയുടെ നേതൃത്വത്തിലുള്ള പൊലീസ് സംഘം മാള്ഡയിലെത്തി നരേന് ദേബ് നാഥിനെ അറസ്റ്റ് ചെയ്യുകയായിരുന്നു.