മലപ്പുറം: പോക്സോ കേസ് ഇര വീണ്ടും പീഡനത്തിന് ഇരയായി. മലപ്പുറം ജില്ലയിലാണ് സംഭവം. പാണ്ടിക്കാട് സ്വദേശിനിയാണ് വീണ്ടും പീഡനത്തിന് ഇരയായത്. 17കാരി ഇത് മൂന്നാം തവണയാണ് പീഡനത്തിന് ഇരയായത്. ബന്ധുവാണ് കുട്ടിയെ പീഡിപ്പിച്ചതെന്നാണ് റിപ്പോര്ട്ടുകള്.
തന്റെ 13 വയസ് മുതല് പെണ്കുട്ടി ലൈംഗികാതിക്രമം നേരിടുകയാണെന്നാണ് റിപ്പോര്ട്ടുകള്. പെണ്കുട്ടി സുരക്ഷിതയാണ് എന്ന ചൈല്ഡ് പ്രോട്ടക്ഷന് ഓഫീസറുടെ റിപ്പോര്ട്ടിന്റെ അടിസ്ഥാനത്തില് വീട്ടിലേക്ക് തിരിച്ചയച്ച പെണ്കുട്ടിക്കാണ് വീണ്ടും ദുരനുഭവം ഉണ്ടായത്.
2016ലും 2017ലും പീഡനത്തിന് ഇരയായ പെണ്കുട്ടിയെ നിര്ഭയ ഹോമിലേക്ക് മാറ്റിയിരുന്നു. ഈ കുട്ടിയാണ് വീണ്ടും പീഡനത്തിന് ഇരയായത്. ചില്ഡ്രന്സ് ഹോമില് നിന്ന് വീട്ടിലേക്ക് പറഞ്ഞയച്ച കുട്ടി വീണ്ടും പീഡനത്തിന് ഇരയാവുകയായിരുന്നു. ബന്ധുവാണ് കുട്ടിയെ പീഡിപ്പിച്ചതെന്നാണ് പുറത്തുവരുന്ന റിപ്പോര്ട്ടുകള്.