കൊച്ചി: വാഹനാപകടത്തില്പ്പെട്ടു ചികില്സയിലായിരിക്കെ ഇന്ന് മരണമടഞ്ഞ ഗായിക മഞ്ജുഷയ്ക്ക് ആദരാഞ്ജലികള് അര്പ്പിച്ച് നടനും നൃത്താദ്ധ്യാപകനുമായ ആര്എല്വി രാമകൃഷ്ണന്. ഇന്ന് മഞ്ജുഷ ഇല്ലാത്ത ഈ ലോകത്ത് പ്രിയശിഷ്യയുടെ അവസാനത്തെ ആഗ്രഹം നിറകണ്ണീരോടെ ഒര്ക്കുകയാണ് കാലടി സംസ്കൃത സര്വകലാശാലയില് അധ്യാപകനായ ആര്എല്വി രാമകൃഷ്ണന്.
താന് പഠിപ്പിച്ച ഒരു നൃത്തം പരിപാടിക്ക് കളിച്ചോട്ടെ എന്ന് ഒരു പാട് ഇഷ്ട്ടത്തോടെ മഞ്ജുഷ ചോദിച്ചതായും അതിനായി റിഹേഴ്സലിനായി ആഗ്രഹവും പറഞ്ഞിട്ടാണ് പ്രിയശിഷ്യ വീട്ടിലേക്ക് പോയതെന്ന് രാമകൃഷ്ണന് പറഞ്ഞു.
ഗുരുക്കന്മാരുടെ കണ്ണിലുണ്ണിയായിരുന്ന മഞ്ജുഷ പഠനത്തില് ഉയര്ന്ന മാര്ക്ക് നേടിയിരുന്നു. ദൈവം ഇത്രയധികം കഴിവുകള് നല്കി നമ്മളുടെയെല്ലാം കലാഹൃദയത്തില് വലിയ സ്ഥാനം നേടിക്കൊണ്ട് ആ ഗായിക, നര്ത്തകി എന്റെ പ്രിയശിഷ്യ ദൈവസന്നിധിയിലേക്ക് യാത്രയായെന്ന് രാമകൃഷ്ണന് ഫേസ്ബുക്കില് കുറിച്ചു.
ഒരാഴ്ച മുന്പ് എംസി റോഡില് താന്നിപ്പുഴയില് മഞ്ജുഷ സഞ്ചരിച്ച സ്കൂട്ടറില് മിനിലോറിയിടിച്ചാണ് അപകടമുണ്ടായത്. കാലടി ശ്രീശങ്കരാചാര്യ സര്വകലാശാലയില് രണ്ടാം വര്ഷ എംഎ നൃത്ത വിദ്യാര്ഥിനിയായ മഞ്ജുഷ 2009ല് സംപ്രേഷണം ചെയ്ത സ്റ്റാര് സിങ്ങറിലൂടെയാണ് പ്രശസ്തയായത്.
ഫേസ്ബുക്ക് പോസ്റ്റിന്റെ പൂര്ണരൂപം
പ്രിയശിഷ്യ മഞ്ജുഷയ്ക്ക് ആദരാഞ്ജലികൾ;ഐഡിയ സ്റ്റാർ സിംഗങ്ങറിലൂടെ ഒരു ഗായികയായ കലാകാരിയെയാണ് നമ്മൾ കണ്ടത്. എന്നാൽ ഞാൻ ഈ വർഷം കാലടി സംസ്കൃത സർവകലാശാലയിൽ ഗസ്റ്റ് ലക്ചററായി ജോലി കിട്ടിയപ്പോൾ മഞ്ജുഷ മോഹിനിയാട്ടം ഒന്നാം വർഷ വിദ്യാർത്ഥിനിയായി എന്റെ ക്ലാസിൽ ഉണ്ടായിരുന്നു. ഗായികയാണോ, നർത്തകിയാണോ മുൻപിൽ എന്ന് ചോദിച്ചാൽ ഉത്തരം പറയാൻ വയ്യ. അത്രമാത്രം പാട്ടിലും, നൃത്തത്തിലും പഠനത്തിലും അഗ്രഗണ്യയായിരുന്നു ഈ കുട്ടി. കഴിഞ്ഞാഴ്ച കാലടിക്കടുത്ത് ഉണ്ടായ വാഹനാപകsത്തിൽ മഞ്ജുഷയ്ക്കും, അഞ്ജനയ്ക്കും പരിക്ക് പറ്റിയിരുന്നു. മഞ്ജുഷയുടെ പരിക്ക് ഗുരുതരമായിരുന്നു.അന്നു മുതൽ കലാലോകം മുഴുവനും പ്രാർത്ഥനയിലായിരുന്നു മഞ്ജുഷയ്ക്ക് വേണ്ടി. ദൈവനിശ്ചയം അത് നടന്നു കഴിഞ്ഞു. വിധിയെ തടുക്കാൻ ആവില്ലലോ.. അപകടം പറ്റുന്നതിന്റെ തലേ ദിവസം ഞാൻ പഠിപ്പിച്ച ഒരു നൃത്തം പരിപാടിക്ക് കളിച്ചോട്ടെ എന്ന് ഒരു പാട് ഇഷ്ട്ടത്തോടെ എന്നോട് വന്ന് ചോദിച്ചിരുന്നു. അതിനായി റിഹേഴ്സലിനായി ആഗ്രഹവും പറഞ്ഞിട്ടാണ് പ്രിയശിഷ്യ വീട്ടിലേക്ക് പോയത്.ഗുരുക്കന്മാരുടെ കണ്ണിലുണ്ണിയായിരുന്ന മഞ്ജുഷ പഠനത്തിൽ ഉയർന്ന മാർക്ക് നേടിയിരുന്നു; ദൈവം ഇത്രയധികം കഴിവുകൾ നൽകി നമ്മളുടെയെല്ലാം കലാഹൃദയത്തിൽ വലിയ സ്ഥാനം നേടിക്കൊണ്ട് ആ ഗായിക, നർത്തകി എന്റെ പ്രിയശിഷ്യ ദൈവസന്നിധിയിലേക്ക് യാത്രയായി.