കാസര്‍കോട്: കാസര്‍കോട് നീലേശ്വരത്ത് പേരാലില്‍ ചിര്‍മ്മഭഗവതി ക്ഷേത്രത്തില്‍ വന്‍ മോഷണം. വിഗ്രഹത്തില്‍ ചാര്‍ത്തുന്ന സ്വര്‍ണ്ണം അടക്കം തിരുവാഭരണങ്ങളും വെള്ളി ആഭരണങ്ങളും കവര്‍ച്ച പോയിട്ടുണ്ട്. മോഷണം പോയ സ്വര്‍ണ്ണാഭരണത്തിന്റെ കണക്ക് എടുത്തപ്പോള്‍ മുപ്പത് പവനോളം നഷ്ടമായിട്ടുണ്ടെന്ന് അധികൃതര്‍ അറിയിച്ചു. കാല്‍കിലോ വെള്ളിയാഭരണങ്ങളും നഷ്ടമായിട്ടുണ്ട്.
ക്ഷേത്രത്തില്‍ മോഷണം നടന്ന രാവിലെയാണ് പുറത്തറിയുന്നത്. സംഭവം അറിഞ്ഞ് സ്ഥലത്ത് പോലീസ് എത്തി പരിശോധന നടത്തി. കലവറയില്‍ സൂക്ഷിച്ച ആഭരണങ്ങളാണ് നഷ്ടമായത്. കലവറയുടെ പൂട്ട് തകര്‍ത്താണ് മോഷ്ടാക്കള്‍ അകത്ത് കയറിയത്. വിലപിടിപ്പുള്ള ആഭരണങ്ങള്‍ക്കൊപ്പം കാലങ്ങള്‍ പഴക്കമുള്ള താളിയോല ഗ്രന്ധവും മോഷണം പോയിട്ടുണ്ട്. ക്ഷേത്ര ഭരണ സമിതി പരാതി നല്‍കിയതനുസരിച്ച് പോലീസ് അന്വേഷണം ആരംഭിച്ചു.
