പെരുമ്പാവൂര്‍; സൈബര്‍ അടിമകള്‍ക്ക് ചികിത്സ നല്‍കാനുള്ള കേന്ദ്രങ്ങളെ പറ്റി കേരളവും ആലോചിച്ചു തുടങ്ങേണ്ടിയിരിക്കുന്നെന്ന് മുഖ്യമന്ത്രി പിണറായി വിജയന്‍. നവമാധ്യമങ്ങള്‍ തെറ്റായ കാര്യങ്ങള്‍ക്ക് ഉപയോഗിക്കുന്ന പ്രവണത കൂടി വരികയാണെന്നും മുഖ്യമന്ത്രി കൂട്ടിച്ചേര്‍ത്തു. പെരുമ്പാവൂര്‍ കുറുപ്പംപടിയില്‍ മേരിപോള്‍ സ്മാരക വായനശാല ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
നവ മാധ്യമങ്ങളുടെ ശരിയായ ഉപയോഗത്തെ പറ്റി കുട്ടികളെ മനസിലാക്കാന്‍ അധ്യാപകരും മാതാപിതാക്കളും പ്രത്യേകം ശ്രദ്ധിക്കണം, ലഹരിമരുന്നു പോലെ കുട്ടികളെ വഴി തെറ്റിക്കുന്ന സ്ഥിതിയിലേക്ക് നവ മാധ്യമങ്ങളും മാറിയിട്ടുണ്ടെന്നും മുഖ്യമന്ത്രി പറഞ്ഞു.
അന്തരിച്ച അഡീഷണല്‍ ചീഫ് സെക്രട്ടറി ഡി ബാബുപോളും, സഹോദരന്‍ റോയ്‌പോളും ചേര്‍ന്ന് അമ്മയുടെ സ്മരണയ്ക്കായി നിര്‍മിച്ചതാണ് വായനശാല.
