തിരുവനന്തപുരം: ഇത്തവണത്തെ എസ്എസ്എല്‍സി പരീക്ഷ മാര്‍ച്ച് അവസാനം നടത്താന്‍ തീരുമാനം. വേണ്ടത്ര അധ്യയന ദിവസങ്ങള്‍ കിട്ടാത്തതിലാണ് പരീക്ഷ മാര്‍ച്ച് അവസാനത്തേക്ക് നീട്ടാന്‍ ആലോചിക്കുന്നത്.
ഏപ്രില്‍ 10ന് അവസാനിക്കുന്ന രീതിയിലാകും പരീക്ഷ. അന്തിമ തീരുമാനം എടുക്കാന്‍ ഡിപിഐയുടെ അധ്യക്ഷതയില്‍ നാളെ യോഗം ചേരും. കാലവര്‍ഷക്കെടുതിയില്‍ നിരവധി ദിവസങ്ങള്‍ വിദ്യാഭ്യാസ സ്ഥാപനങ്ങള്‍ അടച്ചിടേണ്ടി വന്നു. ഇതിനെ തുടര്‍ന്ന് ക്ലാസുകള്‍ മുടങ്ങിയിട്ടുണ്ട്. ഇതിന് പരിഹാരമെന്ന രീതിയിലാണ് പരീക്ഷാ തിയതി മാറ്റാന്‍ തീരുമാനിച്ചത്.
