കൊല്ലം: കൊല്ലം ബീച്ചില് നിന്നു കാണാതായ യുവതിയെ കുറിച്ച് ദുരൂഹതയേറുന്നു. ഒരാഴ്ച പിന്നിട്ടിട്ടും പെണ്കുട്ടിയെ കുറിച്ച് പോലീസിന് ഒരു സൂചനയും ലഭിച്ചില്ല. സ്കൂള് ബാഗും ചെരുപ്പും എങ്ങനെ ബീച്ചില് എത്തിയെന്നതും ദുരൂഹത വര്ദ്ധിപ്പിക്കാന് ഇടയാക്കുന്നു.
കൊല്ലം അഞ്ചാലുംമൂട് നീരാവില് മുക്കട മുക്കിന് സമീപം ആണികുളത്ത് ചിറയില് ഇബ്രാഹിം കുട്ടിയുടെ മകള് 18 വയസ്സുള്ള ഷബ്നയെയാണ് ഈമാസം 17 ചൊവ്വാഴ്ച രാവിലെ 9.30 മുതല് കാണാതായത്. കുട്ടിയുടെ ബാഗും മറ്റും കൊല്ലം ബീച്ച് പരിസരത്ത് നിന്ന് ലഭിച്ചു. എന്നാല് ഷബ്നയുടെ ബാഗ് എങ്ങനെ ബീച്ചില് എത്തിയെന്നത് ഇപ്പോഴും ദുരൂഹമാണ്.
ഷബ്ന കാണാതായ ദിവസം രാവിലെ 11 മണിക്ക് കൊല്ലം ബീച്ചില് നടന്നെത്തുന്നതിന്റെ സിസിടിവി ദൃശ്യങ്ങ ള് പോലീസിന് ലഭിച്ചു പക്ഷെ തിരിച്ചു പോകുന്നത് സിസിടിവില് കാണാനായില്ല. തുടര്ന്ന് തീര കടലില് വര്ക്കലവരെ പരിശോധന നടത്തിയെങ്കിലും ഫലമുണ്ടായില്ല. ആണ് സുഹൃത്തിനെ പോലീസ് ചോദ്യം ചെയ്തിരുന്നെങ്കിലും കുട്ടിയെ കുറിച്ച് അന്വേഷണ സംഘത്തിന് പ്രയോജനപെടുന്ന വിവരങ്ങള് ലഭിച്ചില്ല.