കൊച്ചി: സംസ്ഥാനത്തെ നടുക്കിയ പ്രളയം മനുഷ്യ നിര്മ്മിത ദുരന്തമാണെന്ന് ചൂണ്ടിക്കാണിച്ചു നല്കിയ കത്ത് പരിഗണിച്ചു സ്വമേധയാ എടുത്ത കേസും ദുരന്തത്തിന് ഇടയാക്കിയത് സര്ക്കാര് സംവിധാനങ്ങളുടെ വീഴ്ചയാണെന്ന് ചൂണ്ടിക്കാട്ടി അഡ്വക്കറ്റ് ടിജി മോഹന്ദാസ് നല്കിയ ഹര്ജിയും ഹൈക്കോടതി ഇന്ന് പരിഗണിക്കും.
കേരളത്തില് നടന്നത് പ്രകൃത്യാലുള്ള ദുരന്തമല്ലെന്നും മനുഷ്യനിര്മ്മിതമായ ദുരന്തമാണെന്നും ഹര്ജിയില് ആരോപണമുണ്ട്. അഡ്വ ടിജി മോഹന്ദാസ് നല്കിയ ഹര്ജിയില് ഹൈക്കോടതി സംസ്ഥാന സര്ക്കാരില് നിന്ന് വിശദീകരണം തേടിയിട്ടുണ്ട്. ദുരന്തത്തിന് ഉത്തരവാദികളായവരുടെ കൈയ്യില് നിന്ന് നഷ്ടപരിഹാരം ഈടാക്കണമെന്നും ഹര്ജിയില് ആവശ്യപ്പെടുന്നുണ്ട്. സര്ക്കാര് ഇന്ന് ഹൈക്കോടതിയില് വിശദീകരണം നല്കിയേക്കും.