കോയമ്പത്തൂര്: ബൈക്കില് യാത്ര ചെയ്യവെ ഷാള് കഴുത്തില് മുറുകി റോഡില് വീണ് 10 വയസ്സുകാരിക്ക് ദാരുണാന്ത്യം. കോയമ്പത്തൂരിലാണ് സംഭവം. അന്നൂര് വടക്കല്ലൂര് സുബ്രഹ്മണിയുടെ മകള് ദര്ശന (10) ആണു മരിച്ചത്. അമ്മയും അയല്ക്കാരനുമൊത്തു ബൈക്കില് ആശുപത്രിയിലേക്ക് പോകവെയാണ് അപകടം.
അസുഖം ബാധിച്ച ദര്ശനയെ അയല്ക്കാരന് വി. വിഘ്നേശിന്റെ ബൈക്കില് അമ്മ അന്നൂര് സര്ക്കാര് ആശുപത്രിയില് കൊണ്ടുപോയിരുന്നു. തിരികെ വരുമ്പോഴായിരുന്നു അപകടം സംഭവിച്ചത്. വിഘ്നേശിനും അമ്മയ്ക്കും ഇടയിലിരുന്നു ദര്ശന ഇരുന്നത്.
ദര്ശനയുടെ ഷാള് ബൈക്കിന്റെ പിന്ചക്രത്തില് കുടുങ്ങുകയായിരുന്നു. അസുഖമുള്ളതിനാല് കാറ്റു തട്ടാതിരിക്കാന് ഷാള് കഴുത്തില് മുറുക്കി ചുറ്റിയിരുന്നു. റോഡില് തെറിച്ചു വീണ ദര്ശന തല കഴുത്തില്നിന്നു വേര്പെട്ടാണു മരിച്ചത്.