റാഞ്ചി: ഭാര്യയെ കാമുകന് കൈമാറി യുവാവ്. ഝാര്ഖണ്ഡിലെ റാഞ്ചിയിലാണ് സംഭവം. വിവാഹം കഴിഞ്ഞു ദിവസങ്ങള്ക്ക് ശേഷം കാമുകനൊപ്പം യുവതി ഒളിച്ചോടിയിരുന്നു. കാമുകനെ പിരിയാനാവില്ലെന്ന് യുവതി പറഞ്ഞതോടെയാണ് ഭാര്യയെ യുവാവ് കാമുകന് കൈമാറിയത്.
തുടര്ന്ന് ഭര്ത്താവും വീട്ടുകാരും നടത്തിയ തെരച്ചിലില് യുവതി കാമുകന്റെ വീട്ടിലുണ്ടെന്നു കണ്ടെത്തി. യുവതിയെ ചൊല്ലി തര്ക്കമായതോടെ യുവതിയെ കാമുകനൊപ്പം പൊലീസ് പറഞ്ഞയച്ചു. റാഞ്ചിയിലെ സുഖ്ദേവ് നഗറിലുള്ള യുവതി വിവാഹത്തിന് മുമ്പ് അവിടെയുള്ള ഒരു യുവാവുമായി പ്രണയത്തിലായിരുന്നു.
എന്നാല് ഈ ബന്ധം വീട്ടുകാര് അംഗീകരിച്ചിരുന്നില്ല. തുടര്ന്ന് യുവതിയെ മറ്റൊരാളുമായി വിവാഹം കഴിപ്പിച്ചു. വിവാഹത്തിന് ശേഷവും കാമുകനുമായി ബന്ധം തുടര്ന്ന യുവതി സാഹചര്യം ഒത്തുവന്നപ്പോള് കാമുകനൊപ്പം പോകുകയായിരുന്നു.
കാമുകനൊപ്പം പോയതിന് പിന്നാലെ രണ്ട് കുടുംബവും യുവതി കാമുകനൊപ്പം ജീവിക്കട്ടെയെന്ന പോലീസ് തീരുമാനത്തെ അനുകൂലിച്ചു. അങ്ങനനെയാണ് വിവാഹം കഴിഞ്ഞ് 17ാം ദിവസം ഭാര്യയെ ഭര്ത്താവ് കാമുകന് കൈമാറിയത്.