ഗാസിപൂര്: മരപ്പെട്ടിക്കുള്ളിലാക്കി നവജാതശിശുവിനെ ഗംഗയില് ഒഴുക്കി. ഗാസിപൂരിലാണ് സംഭവം. കുഞ്ഞിനെ ശ്രദ്ധയില്പ്പെട്ട ബോട്ട് തൊഴിലാളി രക്ഷപ്പെടുത്തി ആശുപത്രിയിലെത്തിച്ചു. ഗുല്ലു ചൌധരി എന്ന ബോട്ട് ജിവനക്കാരനാണ് നവജാത ശിശുവിനെ കണ്ടെത്തിയത്.
ഗാസിപൂരിന് അടുത്ത് നിന്ന് നദിയില് നിന്ന് കണ്ടെത്തിയ മരപ്പെട്ടിയില് ഗംഗയുടെ മകള് എന്ന കുറിപ്പുമുണ്ടായിരുന്നു. ദുര്ഗാ ദേവിയുടെ ചിത്രവും കുട്ടിയുടെ ജാതകവും ഈ പെട്ടിയില് ഒട്ടിച്ച് വച്ചിരുന്നു. കുട്ടിയെ പൊലീസ് ജില്ലാ ആശുപത്രിയില് പ്രവേശിപ്പിച്ചിരിക്കുകയാണ്.
ദാദ്രി ഘാട്ടിന് സമീപം ചൊവ്വാഴ്ച രാത്രിയിലാണ് സംഭവം. നദിയില് നിന്ന് കുഞ്ഞിന്റെ കരച്ചില് കേട്ട് നോക്കുമ്പോഴാണ് ബോട്ടിന് സമീപം വന്ന പെട്ടിയില് പെണ്കുഞ്ഞിനെ കണ്ടെത്തിയത്. നവജാതശിശുവിനെ രക്ഷിച്ച ബോട്ട് ജീവനക്കാരനെ ഉത്തര് പ്രദേശ് മുഖ്യമന്ത്രി യോഗി ആദിത്യനാഥ് അഭിനന്ദിച്ചു.
गाजीपुर में माँ गंगा की लहरों पर तैरते संदूक में रखी नवजात बालिका "गंगा" की जीवन-रक्षा करने वाले नाविक ने मानवता का अनुपम उदाहरण प्रस्तुत किया है।
नाविक को आभार स्वरूप सभी पात्र सरकारी योजनाओं से लाभान्वित किया जाएगा।@UPGovt नवजात बच्ची के लालन-पालन का संपूर्ण प्रबंध करेगी। pic.twitter.com/YXTTOmYVqy
— Yogi Adityanath (@myogiadityanath) June 16, 2021
മനുഷ്യത്വത്തിന്റെ ഉദാത്ത മാതൃകയാണ് ഗുല്ലു കാണിച്ചതെന്നാണ് യോഗി ആദിത്യനാഥ് പ്രതികരിച്ചത്. പെണ്കുട്ടിയുടെ സംരക്ഷണത്തിനായി യുപി സര്ക്കാര് നടപടി കൈക്കൊള്ളുമെന്നും യോഗി ആദിത്യനാഥ് വ്യക്തമാക്കി.