ന്യൂഡല്ഹി: ഡല്ഹിയിലെ സര്ക്കാര് ബസുകളില് സ്ത്രീകള്ക്കായി മുഖ്യമന്ത്രി അരവിന്ദ് കെജരിവാള് പ്രഖ്യാപിച്ച സൗജന്യ യാത്രാ പദ്ധതിക്ക് ഡിടിസി ബോര്ഡ് യോഗം അംഗീകാരം നല്കി. ഒക്ടോബര് 29 മുതല് പദ്ധതിക്ക് തുടക്കമാകും.
ഇതോടെ സര്ക്കാര് ബസുകളിലും ക്ലസ്റ്റര് ബസുകളിലും സ്ത്രീകള്ക്ക് ഒക്ടോബര് 29 മുതല് ടിക്കറ്റെടുക്കാതെ യാത്ര ചെയ്യാം. രക്ഷാബന്ധന് ദിനത്തില് വനിതകള്ക്ക് ഒരു സമ്മാനമുണ്ട് എന്ന് പറഞ്ഞായിരുന്നു അരവിന്ദ് കെജ്രിവാളിന്റെ പ്രഖ്യാപനം.
700 കോടി രൂപയാണ് പദ്ധതിയുടെ ചെലവെന്നും ഈ ചെലവ് ഡല്ഹി സര്ക്കാര് വഹിക്കുമെന്നും സ്വാതന്ത്യദിനാഘോഷ ചടങ്ങിലും കെജ്രിവാള് പറഞ്ഞിരുന്നു. ഭായ് ദുജ് ആഘോഷിക്കുന്ന ഒക്ടോബര് 29നു പദ്ധതി പ്രാബല്യത്തിലെത്തുമെന്നായിരുന്നു സര്ക്കാരിന്റെ പ്രഖ്യാപനം.
ഡി ടി സി, ക്ലസ്റ്റര് ബസ്സുകളില് സൗജന്യമായി യാത്ര ചെയ്യുന്ന വനിതകള്ക്ക് പ്രത്യേകമായി തയാറാക്കിയ പിങ്ക് നിറത്തിലുള്ള ടിക്കറ്റാവും നല്കുക. ഇത്തരത്തില് വിതരണം ചെയ്യുന്ന ടിക്കറ്റൊന്നിന് 10 രൂപ വീതം മൂല്യം കണക്കാക്കിയാണ് ഈയിനത്തില് ഡി ടി സിക്കും ക്ലസ്റ്റര് ബസിനുമുള്ള ധനസഹായം അനുവദിക്കുക. ഈ പ്രത്യേക യാത്രാ ടിക്കറ്റുകളുടെ അച്ചടി ഉടന് തുടങ്ങും.