ന്യൂഡല്ഹി: രണ്ടാം മോഡി സര്ക്കാരിന്റെ ആദ്യബജറ്റ് നിര്മല സീതാരാമന് പാര്ലമെന്റില് അവതരിപ്പിച്ചു. പെട്രോളിനും ഡീസലിനും വില കൂടും. ബജറ്റില് ലിറ്ററിന് ഒരു രൂപ സെസും ഒരു രൂപ തീരുവയും വര്ധിപ്പിച്ചതോടെ ഫലത്തില് പെട്രോളിനും ഡീസലിനും രണ്ട് രൂപ വീതം വര്ധിക്കും.
റോഡ് അടിസ്ഥാനസൗകര്യ വികസന ഫണ്ട് കണ്ടെത്താനായി സെസ് ഒരു രൂപയാണ് പെട്രോളിനും ഡീസലിനും മേല് അധികമായി ചുമത്തിയത്. ഇതിന് പുറമെ ഒരു രൂപ തീരുവയും കൂട്ടി.