മുംബൈ: എയര് ഹോസ്റ്റസായ അമ്മയുടെ സര്വീസിലെ അവസാന ദിനം പൈലറ്റായി മകള്. കഴിഞ്ഞ ദിവസം ബംഗളൂരുവില് നിന്നും മുംബൈയിലേക്ക് പോയ എയര് ഇന്ത്യ വിമാനമാണ് വികാരനിര്ഭരമായ നിമിഷങ്ങള്ക്ക് സാക്ഷ്യം വഹിച്ചത്. മൂന്നു പതിറ്റാണ്ടായി എയര് ഇന്ത്യയിലെ എയര് ഹോസ്റ്റസായിരുന്ന പൂജ ചിന്ചാക്കറിന്റെ യാത്രയയപ്പാണ് ഹൃദയങ്ങള് കീഴടക്കുന്നത്.
കഴിഞ്ഞ ദിവസം ബംഗളൂരുവില് നിന്നും മുംബൈയിലേക്ക് പോയ എയര് ഇന്ത്യയിലെ യാത്രക്കാര് ക്യാപ്റ്റന് പരേഷ് നേരൂര്ക്കറുടെ വാക്കുകള് കേട്ട് വികാരധീനരായി.
”ഈ വിമാനത്തിലെ എയര് ഹോസ്റ്റസായ പൂജ ചിന്ചാക്കര് എയര് ഇന്ത്യയിലെ തന്റെ 38 വര്ഷത്തെ സേവനം അവസാനിപ്പിക്കുന്ന ഫെയര്വെല് യാത്രയാണിത്. അവരുടെ മകളായ അഷിര്താ ചിന്ചാക്കറാണ് ഈ യാത്രയില് എന്റെ കോ-പൈലറ്റ്. പൂജയുടെ സ്വപ്നമായിരുന്നു മകള് പറത്തുന്ന വിമാനത്തില് ആയിരിക്കണം തന്റെ എയര്ഹോസറ്റസ് കരിയര് അവസാനിപ്പിക്കുക എന്നത്. എയര് ഇന്ത്യയിലെ തന്റെ സുദീര്ഘമായ സേവനം മകള്ക്ക് നല്കിയിട്ടാണ് പൂജ വിരമിക്കുന്നത്.”
So happy and honoured to be able to pilot the one flight that mattered. It was my mom’s dream to have me pilot her last flight as an Air Hostess with @airindiain 🙂 As she retires after her glorious 38 years of service, I will be carrying on with her legacy ? #grateful #proud pic.twitter.com/zcUTNCENzj
— Ashrrita (@caramelwings) July 31, 2018
58 കാരിയായ പൂജ 1980-ലാണ് എയര് ഇന്ത്യയില് ജോലിയില് പ്രവേശിക്കുന്നത്. ”ഞാന് എയര് ഇന്ത്യയില് എത്തുമ്പോള് അവിടെ രണ്ട് വനിതാ പൈലറ്റുമാരെ ഉണ്ടായിരുന്നുള്ളൂ. അതുകൊണ്ടാണ് മകള് പിറന്നപ്പോള് അവള് ഒരു പൈലറ്റാകണമെന്ന് ആഗ്രഹിച്ചത്”.
പൂജ പറയുന്നു.”രണ്ട് വര്ഷമായി ഞാന് എയര് ഇന്ത്യയില് എത്തിയിട്ട് ജോലി സമയങ്ങളില് അമ്മ എപ്പോഴും എന്നെ ക്യാപ്റ്റന് എന്നാണ് വിളിക്കുന്നത്. ഇനി എനിക്കുള്ള നഷ്ടബോധം ഫ്ലൈറ്റ് ഡെസ്ക്കില് അമ്മയുടെ ആ ശബ്ദം കേള്ക്കാന് കഴിയില്ല എന്നതാണ്. എയര് ഇന്ത്യ എന്നത് എന്റെ കുടുംബമാണ്. ഇനി അമ്മയുടെ പാരമ്പര്യം ഞാന് കൊണ്ടു പോകും”- അമ്മയുടെ വിരമിക്കലിനെക്കുറിച്ച് അര്ഷിത ട്വിറ്ററില് കുറിച്ചു.
For all of you who asked 🙂 that’s mom on her last flight as an operating cabin crew for @airindiain what a lovely day and what amazing passengers! So many best wishes and hugs ♥️ of course I was in the flight deck 🙂 #proud #grateful pic.twitter.com/eUL3Og4EBr
— Ashrrita (@caramelwings) July 31, 2018