നോയിഡ: വാര്ത്താ അവതാരക രാധിക കൗശികിന്റെ മരണത്തെ തുടര്ന്ന് സഹപ്രവര്ത്തകന് അറസ്റ്റില്. ഈ മാസം 14ന് പുലര്ച്ചെ നാല് മണിയോടെയാണ് നോയിഡയിലെ അന്ട്രിക് ഫോറസ്റ്റ് അപ്പാര്ട്മെന്റിന്റെ നാലാം നിലയില് നിന്ന് രാധിക താഴെ വീണ് മരിച്ചത്. രാധികയുടെ സഹപ്രവര്ത്തകനും അതേ അപ്പാര്ട്മെന്റിലെ താമസക്കാരനുമായ രാഹുല് അശ്വതി എന്നയാളെയാണ് പോലീസ് അറസ്റ്റ് ചെയ്തത്.
രാധിക നാലാം നിലയിലെ ബാല്ക്കണിയില് നിന്നും താഴേക്ക് വീണ സമയത്ത് താന് ബാത്ത്റൂമില് ആയിരുന്നു എന്നാണ് രാഹുല് ആദ്യം മൊഴി നല്കിയത്. എന്നാല് രാധിക താഴേക്ക് വീഴുന്നതിന്റെ ഏതാനും നിമിഷങ്ങള്ക്ക് മുന്പ്് ഇരുവരും ഒന്നിച്ച് ബാല്ക്കണിയില് നില്ക്കുന്നത് കണ്ടതായി അപ്പാര്ട്മെന്റിലെ സെക്യൂരിറ്റി ജീവനക്കാരന് പറഞ്ഞു.
സംഭവത്തില് രാഹുലിനെ അറസ്റ്റ് ചെയ്തിട്ടുണ്ട്. രാധികയുടെ വീട്ടുകാരുടെ പരാതി പ്രകാരം അയാള്ക്കെതിരെ എഫ്ഐആറും രജിസ്റ്റര് ചെയ്തിട്ടുണ്ട്’- അന്വേഷണ ഉദ്യോഗസ്ഥന് പറഞ്ഞു.അതേസമയം രാധികയുടെ മരണത്തില് രാഹുലിന് പങ്കുണ്ടെങ്കിലും ഇതൊരു കൊലപാതകമായി കരുതുന്നില്ലെന്ന് അന്വേഷണ ഉദ്യോഗസ്ഥര് പറഞ്ഞു.
‘ഉയരമുള്ളതും മെലിഞ്ഞ ശരീരപ്രകൃതിയുള്ള ആളുമായ രാധിക ബാല്ക്കണിയുടെ കമ്പിയില് ഇരിക്കുമ്പോള് താഴേക്ക് വീണതാകാം. സംഭവസമയത്ത് ഇരുവരും മദ്യപിച്ചിട്ടുണ്ടായിരുന്നു എന്നായിരുന്നു പോലീസിന്റെ പ്രാഥമിക നിഗമനം. എന്നാല് രാധികക്ക് മദ്യപിക്കുന്ന ശീലം ഇല്ലെന്നാണ് വീട്ടുകാര് പറയുന്നത്.