ജനപ്രതിനിധികളുടെ വാഗ്ദാനങ്ങള് പലപ്പോഴും ജലരേഖകളാവുകയാണ് പതിവ്. എന്നാല് അതില് നിന്നെല്ലാം വ്യത്യസ്തനാണ് താനെന്ന് തെളിയിച്ചിരിക്കുകയാണ് ആസാമില് നിന്നുള്ള ഈ എംഎല്എ. മുട്ടില് നിന്ന് പാലിക്കാന് പറ്റാതെ വാഗ്ദാനങ്ങളോര്ത്ത് അദ്ദേഹം ജനങ്ങളോട് മാപ്പിരന്നു.
അസമില് നിന്നുള്ള കോണ്ഗ്രസ് എംഎല്എ രൂപ്ജ്യോതി കര്മിയാണ് സംസ്ഥാനത്തെ ഒരു സര്ക്കാര് ആശുപത്രിയില് വെച്ച് രോഗികള്ക്കു മുന്നില് മാപ്പിരന്നത്. അസമിലെ മരിയാനി ജോഹത്ത് ജില്ലയിലെ മരിയാനി മണ്ഡലത്തില് നിന്നുള്ള എംഎല്എയാണ് രൂപ്ജ്യോതി കര്മി.
രോഗികള്ക്ക് മതിയായ ആരോഗ്യ സംവിധാനങ്ങള് ഒരുക്കാന് സാധിക്കാത്തതില് ഖേദിക്കുന്നുവെന്നും മാപ്പു തരണമെന്നും മുട്ടില് നിന്ന് കൂപ്പുകൈകളോടെ അദ്ദേഹം രോഗികളോട് പറഞ്ഞു. ആശുപത്രി മാനേജ്മെന്റ് കമ്മിറ്റിയുടെ അധ്യക്ഷന് കൂടിയാണ് രൂപ്ജ്യോതി കര്മി.
ഗ്രാമങ്ങളില് നിന്നും വരുന്ന രോഗികള്ക്ക് ആശുപത്രിയില് ആവശ്യമായ സൗകര്യങ്ങള് ലഭിക്കുന്നില്ലെന്ന് കമ്മിറ്റി കണ്ടെത്തിയിരുന്നു. ഏഴ് ഡോക്ടര്മാരെ നിയമിച്ചുവെങ്കിലും എംഎല്എയുടെ സന്ദര്ശന സമയത്ത് ഒരു ഡോക്ടര് പോലും ആശുപത്രിയില് ഉണ്ടായിരുന്നില്ല.