നാട്ടിന്പുറങ്ങളില് കാണപ്പെടുന്ന ഒരു ചെറു സസ്യമാണ് ഞൊടിഞെട്ട ( പ്രാദേശികമായി ഞൊട്ടങ്ങ, മുട്ടാംബ്ലിങ്ങ, ഞട്ടങ്ങ, ഞൊടിയന്, നൊട്ടങ്ങ മുട്ടാമ്പുളി, ഞെട്ടാമണി, ഞെട്ടാഞൊടി എന്നീ പേരുകളും പ്രചാരത്തിലുണ്ട്) കായ് നെറ്റിയില് ശക്തിയായ് ഇടിച്ച് ശബ്ദം കേള്പ്പിച്ച് കളിക്കാന് കുട്ടികള് ഉപയോഗിച്ചിരുന്ന ചെടിയാണിവ. ഇതില് നിന്നാണ് ഞൊടിഞെട്ട എന്ന പേര് വന്നത്.
കായ പച്ചയായിരിക്കുന്ന സമയത്ത് കൈപ്പ് രസമാണ്. പഴുത്ത് കഴിയുമ്പോള് അല്പം പുളിപ്പോടുകൂടിയുള്ള മധുരമാണ് ഇവയ്ക്ക്.
നമ്മള് വിനോദത്തിന് വേണ്ടി മാത്രം ഉപയോഗിക്കുന്ന ഈ പാഴ്ച്ചെടി കടലുകടന്നാല് വിലയേറിയ ‘ഗോള്ഡന്’ ബെറിയായി മാറും. ഫൈസിലിസ് മിനിമ എന്ന ശാസ്ത്രനാമത്തില് അറിയപ്പെടുന്ന ഈ സസ്യത്തിന് പൊന്നും വിലയാണ് വിദേശത്ത്. ഇതിന്റെ ഒരു പഴത്തിന് 17 രൂപയാണ് വില.
ശരീര വളര്ച്ചയ്ക്കും ബുദ്ധി വികാസത്തിനും അത്യുത്തമമായ ഗോള്ഡന് ബെറി വൃക്ക രോഗങ്ങള്ക്കും മൂത്ര തടസത്തനിമുള്ള ഔഷധമാണ്. ദഹനപ്രശ്നങ്ങള് പരിഹരിയിക്കുന്നതിനുള്ള നല്ലൊരു മരുന്നാണിത്. അതുപോലെ അലര്ജിയ്ക്കുള്ള നല്ലൊരു മരുന്നാണ്. ചെറുകുടല്, വന്കുടല്, വയര് ക്യാന്സറുകള്ക്കുള്ള ഉത്തമഔഷധം.
കായിക താരങ്ങള് ഹെല്ത്ത് സപ്ലിമെന്റായിട്ടും ഇത് ഉപയോഗിക്കാറുണ്ട്.
കൂടാതെ, ആയുര്വേദത്തിലും ഇതിന്റെ ഔഷധ ഗുണത്തെപ്പറ്റി വ്യക്തമായി പറയുന്നുണ്ട്. പണ്ട് ഔഷധ നിര്മാണത്തിന് ഇത് ഉപയോഗിച്ചിരുന്നു.