പ്ലാസ്റ്റിക് കുപ്പികളില്‍ ചൂടുവെള്ളം കരുതിയാല്‍ അതിലെ വിഷാംശങ്ങള്‍ നമ്മുടെ ആരോഗ്യത്തെ ദോഷകരമായി ബാധിക്കുമെന്ന കാര്യം നമുക്കെല്ലാം അറിയാം. അതുപോലെ ഡിസ്പോസിബിള് പ്ലാസ്റ്റിക്ക് കുപ്പികളില്‍ വീണ്ടും വെള്ളം നിറച്ച് കുടിക്കുന്നവര്‍ ആ ശീലം നിര്‍ത്തുന്നത് നന്നായിരിക്കും. പുനരുപയോഗ സാധ്യതയില്ലാത്ത പ്ലാസ്റ്റിക് കുപ്പികളില്‍ ബാക്ടീരിയകള്‍ കൂടുകെട്ടി താമസിക്കുകയാണ് ട്രെഡ് മില്‍ റിവ്യൂസ് നടത്തിയ പഠനപ്രകാരം ടോയിലറ്റ് സീറ്റിലുള്ളതിലും കൂടുതല്‍ ബാക്ടീരിയകള്‍ ഇത്തരം പ്ലാസ്റ്റിക്ക് കുപ്പികളില്‍ ഉണ്ടായിരിക്കുമെന്നാണ്.
കുപ്പികളുടെ അടപ്പ്, ക്യാപ് എന്നിവ ഒന്ന് ശ്രദ്ധിച്ചു നോക്കൂ. പലരും കുപ്പികള്‍ വൃത്തിയാക്കുന്നത്ര നന്നായി ഇതൊന്നും വൃത്തിയാക്കാറില്ല. കുപ്പി എപ്പോഴും വൃത്തിയാക്കി അണുവിമുക്തമാക്കി വയ്‌ക്കേണ്ടത് ആവശ്യമാണ്. ഇ കോളി ബാക്ടീരിയയുടെ സാന്നിധ്യം ഒരുകാരണവശാലും ഉണ്ടാകാന്‍ പാടില്ല. വയറിളക്കം മുതല്‍ മഞ്ഞപ്പിത്തം വരെ ഇതുമൂലം ഉണ്ടാകാം. അതിനാല്‍ ഏറ്റവും നല്ല രീതിയില്‍ വേണം ഇതിന്റെ ഉള്‍വശം വൃത്തിയാക്കാന്‍.
കൂടാതെ, പ്ലാസ്റ്റിക് കുപ്പികളില്‍ നിന്നും വെള്ളം കുടിക്കുന്ന സ്ത്രീകളില്‍ ഗര്‍ഭാശയ കാന്‍സറിനു സാധ്യത കൂടുതല്‍ ആണെന്നും പഠന റിപ്പോര്‍ട്ടില്‍ പറയുന്നു. ലണ്ടനിലെ ഇല്ലിനോയിസ് സര്‍വകലാശാലയില്‍ നടത്തിയ പഠനമാണ് പ്ലാസ്റ്റിക് കുപ്പിയില്‍ വെള്ളം കുടിക്കുന്ന സ്ത്രീകളിലും, പ്ലാസ്റ്റിക് കുപ്പികളിലെ സൂപ്പ് പോലുള്ള സോഫ്റ്റ് ഡ്രിങ്ക്സ് കഴിക്കുന്നവരിലും കാന്‍സര്‍ സാധ്യത കൂടുതലാണെന്ന് കണ്ടെത്തിയത്.
പ്ലാസ്റ്റിക് കുപ്പിയില്‍ നിന്നും വെള്ളം കുടിക്കുന്ന ഗര്‍ഭിണികളുടെ ഗര്‍ഭസ്ഥ ശിശുവിന് ഭാവിയില്‍ കാന്‍സര്‍ വരാനുള്ള സാധ്യത കൂടുതലാണ് എന്നും പഠനങ്ങള്‍ വ്യക്തമാക്കുന്നു. പ്ലാസ്റ്റിക്ക് വെള്ള കുപ്പികളിലും സൂപ്പ് കാനുകളിലും കണ്ടു വരുന്ന ബിസ്ഫെനോള്‍ എ (ബി.പി.എ) എന്ന രാസവസ്തുവാണ് പ്രോസ്ട്രേറ്റ് (മൂത്രസഞ്ചി യോട് അനുബന്ധിച്ചുള്ള )കാന്‍സറിനു കാരണമാകുന്നത്.
പഠനത്തിനു നേതൃത്വം നല്‍കിയ ഗൈല്‍ പ്രിന്സ് പറയുന്നത് അമേരിക്കയില്‍ വെച്ച് ഗര്‍ഭിണികളായ സ്ത്രീകളില്‍ നടത്തിയ പഠനത്തില്‍ 95 ശതമാനം ഗര്‍ഭിണികളുടെ മൂത്രത്തിലും ബിപിഎ യുടെ അളവ് ഉണ്ടായിരുന്നു എന്നതാണ്. അതിനര്‍ത്ഥം അവര്‍ ഏറ്റവും അടുത്ത് ബി പി എ അടങ്ങിയ ഭക്ഷ്യ വസ്തു കഴിക്കുകയോ കുടിക്കുകയോ ചെയ്തിരിക്കണം. തുടര്‍ന്ന് എലികളില്‍ നടത്തിയ പഠനത്തില്‍ 12 ശതമാനം എലികള്‍ ഒഴികെ 45 ശതമാനം എലികളും കാന്‍സറിനുള്ള സൂചനകള്‍ കാണിച്ചു. സാന്‍ ഫ്രാന്‍സിസ് കോ യില്‍ നടന്ന എന്റൊക്രൈന്‍ സൊസൈറ്റിയുടെ വാര്‍ഷികത്തിലാണ് ഈ പഠന റിപ്പോര്‍ട്ട് സമര്‍പ്പിച്ചത്.
