കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് നടന് ദിലീപ് അടക്കമുള്ള പ്രതികളുടെ ചോദ്യംചെയ്യല് പൂര്ത്തിയായി. പഴയ ഫോണുകള് ഹാജരാക്കാന് ഇന്ന് ഉച്ചവരെ സമയം അനുവദിച്ചിട്ടുണ്ട്.
33 മണിക്കൂറോളമാണ് പ്രതികളെ ചോദ്യം ചെയ്തത്. വധഭീഷണി കേസിനു പിന്നാലെ പ്രതികള് ഫോണ് മാറ്റിയെന്ന് ക്രൈംബ്രാഞ്ച് ആരോപിക്കുന്നു. പഴയ ഫോണുകള് ഹാജരാക്കാന് ഇന്ന് ഉച്ചവരെ സമയം അനുവദിച്ചിട്ടുണ്ട്.
ഉച്ചയ്ക്ക് രണ്ടരയ്ക്ക് മുന്പ് ക്രൈംബ്രാഞ്ചിന് മുന്നില് ഫോണുകള് ഹാജരാക്കാനാണ് അന്വേഷണ സംഘം ആവശ്യപ്പെട്ടിട്ടുള്ളത്. ദിലീപ്, സഹോദരന് അനൂപ്, സഹോദരി ഭര്ത്താവ് ടി എന് സുരാജ്, അനൂപിന്റെ ഭാര്യയുടെ ബന്ധു അപ്പു എന്നിവരാണ് ഫോണ് മാറ്റിയത്.
നാല് ഫോണുകളും ഇന്ന് ഹാജരാക്കണമെന്ന് പ്രതികള്ക്ക് നോട്ടീസ് നല്കിയിട്ടുണ്ട്. ഇന്ന് ഉച്ചയോടെ ഫോണ് ഹാജരാക്കിയില്ലെങ്കില് ഇക്കാര്യം ഹൈക്കോടതിയെ അറിയിച്ച് പ്രതികളെ കസ്റ്റഡിയില് ചോദ്യം ചെയ്യണമെന്ന ആവശ്യം ഉന്നയിക്കാനാണ് അന്വേഷണ സംഘത്തിന്റെ തീരുമാനം.