കോഴിക്കോട്: കേന്ദ്രം സംസ്ഥാനങ്ങള്ക്ക് വാക്സിന് സൗജന്യമായി നല്കുമെന്ന് കഴിഞ്ഞ ദിവസം രാജ്യത്തെ അഭിസംബോധന ചെയ്യവെ പ്രധാനമന്ത്രി നരേന്ദ്ര മോഡി അറിയിച്ചിരുന്നു. ഈ തീരുമാനിത്തില് പ്രതികരിച്ച് രംഗത്തെത്തിയിരിക്കുകയാണ് നടന് ഹരീഷ് പേരടി.
കേന്ദ്രം കേരളത്തില് ട്യൂഷന് ചേര്ന്ന് പഠിച്ചതിനാലാണ് ഇങ്ങനെയൊരു തീരുമാനം എടുക്കാനായതെന്നാണ് ഹരീഷ് പറയുന്നത്. ഇത്തരത്തില് ഇനിയും കേരളം രാജ്യത്തെ ജനങ്ങളെ നേര്വഴി കാണിക്കുമെന്നും താരം പറഞ്ഞു. ഫേസ്ബുക്കില് പങ്കുവെച്ച കുറിപ്പിലൂടെയായിരുന്നു ഹരീഷ് പേരടിയുടെ പ്രതികരണം.
ഹരീഷ് പേരടിയുടെ കുറിപ്പിന്റെ പൂര്ണരൂപം
സഖാക്കളെ ഇതാണ് യഥാര്ത്ഥ വിജയദിനം..കേന്ദ്രം കേരളത്തിന്റെ അടുത്ത് കൂടുതല് പഠിക്കാന് വേണ്ടി ട്യൂഷന് ചേര്ന്നു…നീതിയും സത്യവും സുപ്രിം കോടതിയും ഉറക്കെ പറഞ്ഞു..അങ്ങിനെ കേന്ദ്രം വാക്സിന് സൗജന്യമാക്കാന് തീരുമാനിച്ചു…ട്യൂഷന് ഫീസില്ലാതെ കേരളം ഇനിയും രാജ്യത്തെ ജനങ്ങളെ നേര്വഴി കാണിക്കും…മുന്ന് വര്ഷത്തിനപ്പുറം കേരളം രാജ്യത്തിന് ഒരു പ്രധാനമന്ത്രിയെ കൊടുക്കും എന്ന് എനിക്കുറപ്പുണ്ട്…ലാല്സലാം.
ജൂണ് 21 മുതല് വാക്സിന് വിതരണം ആരംഭിക്കും. ഇന്ത്യ തദ്ദേശീയമായി നിര്മ്മിക്കുന്ന വാക്സിനുകള് ഉള്പ്പെടെ കേന്ദ്രം വാങ്ങി സംസ്ഥാനങ്ങള്ക്ക് സൗജന്യമായി അനുവദിക്കുമെന്നും പ്രധാനമന്ത്രി നരേന്ദ്രമോദി അറിയിച്ചു. രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. വാക്സിനുകള് കേന്ദ്രം കമ്പനികളില് നിന്നും വാങ്ങി സംസ്ഥാനങ്ങള്ക്ക് വിതരണം ചെയ്യുമെന്നും പ്രധാനമന്ത്രി വ്യക്തമാക്കി.