മലയാള സിനിമയുടെ ഹാസ്യ സാമ്രാട്ട് ജഗതി ശ്രീകുമാര് സിനിമയിലേക്ക് തിരിച്ചെത്തുന്നു. കുഞ്ഞുമോന് താഹ തിരക്കഥ എഴുതി സംവിധാനം ചെയ്യുന്ന ‘തീ മഴ തേന് മഴ’ എന്ന ചിത്രത്തിലൂടെയാണ് ജഗതിയുടെ മടങ്ങിവരവ്.
കറുവാച്ചന് എന്ന ശക്തമായ കഥാപാത്രത്തെയാണ് നടന് അവതരിപ്പിക്കുന്നത്. വീല്ചെയറില് ഉള്ള കഥാപാത്രമാണ് കറുവാച്ചന് എന്ന കറിയാച്ചന്. ജഗതിയുടെ വീട്ടില് വച്ച് സിനിമയുടെ ചില പ്രധാന രംഗങ്ങള് കഴിഞ്ഞ ദിവസം ചിത്രീകരിച്ചു എന്നാണ് അറിയുന്നത്.
ശരീര ഭാഷകളിലൂടെയും ചില ആത്മഗതങ്ങളിലൂടെയും ജഗതി മികച്ച രീതിയില് അഭിനയിച്ചു എന്ന് ചിത്രത്തിന്റെ സംവിധായകന് പറയുന്നു. ജഗതിയെ കൂടാതെ കോബ്ര രാജേഷ്, മാള ബാലകൃഷ്ണന്, പിജെ ഉണ്ണികൃഷ്ണന്, സൂരജ് സാജന്, ആദര്ശ്, ലക്ഷ്മിപ്രിയ, സ്നേഹ അനില്, തുടങ്ങിയവരും ചിത്രത്തില് പ്രധാന കഥാപാത്രങ്ങളായി എത്തുന്നു.
സെവന് ബെഡ്സ് ഫിലിംസിന്റെ ബാനറില് എഎം ഗലീഫ് കൊടിയില് ആണ് ചിത്രം നിര്മ്മിക്കുന്നത്. വാഹന അപകടത്തെ തുടര്ന്ന് വര്ഷങ്ങളായി വീട്ടില് ചികിത്സയില് കഴിയുകയായിരുന്നു ജഗതിയെ സിനിമയിലേക്ക് തിരിച്ചെത്തിക്കാന് പലരും ശ്രമിച്ചിരുന്നു. എന്നാല് ഇപ്പോഴാണ് ആ ശ്രമങ്ങള് വിജയം കണ്ടത്.
https://fb.watch/52bRAqcJ3z/