തിരുവനന്തപുരം: പ്രശസ്ത ഗായകനും സംഗീത സംവിധായകനുമായ ജാസി ഗിഫ്റ്റിന്റെ പിതാവ് ഗിഫ്റ്റ് ഇസ്രയേല് അന്തരിച്ചു. അസുഖബാധിതനായിരുന്ന അദ്ദേഹം കുറച്ചു നാളായി തിരുവനന്തപുരത്ത് ചികിത്സയില് കഴിയുകയായിരുന്നു. 74 വയസ്സായിരുന്നു. വിതുരയിലെ വീട്ടില് വെച്ചാണ് അന്ത്യം.
ഗിഫ്റ്റ് ഇസ്രായേല് കേരള സര്വകലാശാലയില് അസി. രജിസ്ട്രായിരുന്നു. അവസാന നാളുകളില് അദ്ദേഹം ജാസി ഗിഫ്റ്റിനോടൊപ്പമായിരുന്നു താമസിച്ചിരുന്നത്. എറണാകുളത്തായിരുന്നു താമസം. കുറച്ച് നാളുകള്ക്ക് മുന്പ് അസുഖം കൂടിയതോടെ തിരുവനന്തപുരത്തേക്ക് ചികിത്സയ്ക്കായി കൊണ്ടുവരികയായിരുന്നു.
ആശുപത്രിയിലെ ചികിത്സയ്ക്ക് ശേഷം വിതുരയിലെ താമസസ്ഥലത്തേക്ക് മാറ്റുകയായിരുന്നു. വിതുരയിലെ ഈ വീട്ടില് വെച്ചാണ് മരിച്ചത്. ശനിയാഴ്ച കവടിയാര് സാല്വേഷന് ആര്മി സെമിത്തേരിയില് വെച്ച് സംസ്കാരം നടക്കും.