പാലക്കാട്: ബിജെപി നേതാക്കള്ക്കെതിരെ തുറന്നടിച്ച് സംവിധായകന് മേജര് രവി രംഗത്ത്. സംസ്ഥാനത്തെ ബിജെപി നേതാക്കളില് 90 ശതമാനവും വിശ്വസിക്കാന് കൊള്ളാത്തവരാണെന്ന് മേജര് രവി പറഞ്ഞു. തനിക്കെന്ത് കിട്ടും എന്ന ചിന്തയാണ് എല്ലാ നേതാക്കള്ക്കും ഉള്ളതെന്നും അദ്ദേഹം പറഞ്ഞു.
ട്വന്റി ഫോര് ന്യൂസിനോടായിരുന്നു അദ്ദേഹത്തിന്റെ പ്രതികരണം. മസില് പിടിച്ച് നടക്കാന് മാത്രമേ ബിജെപി നേതാക്കള്ക്ക് കഴിയുകയുള്ളൂ. രാഷ്ട്രീയം ജീവിത മാര്ഗം ആക്കിയിരിക്കുന്നവരാണ് മിക്ക ബിജെപി നേതാക്കളെന്നും മേജര് രവി പറഞ്ഞു.
താഴെ തട്ടിലുള്ള ജനങ്ങളെ ഇവര് തിരിഞ്ഞുനോക്കാറില്ല. ഗ്രൂപ്പ് പറഞ്ഞ് പാര്ട്ടിയെ തകര്ക്കാനാണ് ഇവര് ശ്രമിക്കുന്നതെന്നും മേജര് രവി പറഞ്ഞു. ഒരിക്കലും സംസ്ഥാനത്തെ ബിജെപി നേതാക്കള് പറഞ്ഞാല് താന് തെരഞ്ഞെടുപ്പില് മത്സരിക്കില്ലെന്നും മേജര് രവി വ്യക്തമാക്കി.
ഇത്തവണ ഒരിടത്ത് പോലും ബിജെപി നേതാക്കള്ക്ക് വേണ്ടി പ്രസംഗിക്കാന് പോകില്ലെന്നും മേജര് രവി വ്യക്തമാക്കി.