മലപ്പുറം: മേലാറ്റൂര്‍ എടയാറ്റൂരില്‍ നിന്നും കാണാതായ ഒന്‍പതുവയസ്സുകാരനെ പ്രളയസമയത്ത് കൊലപ്പെടുത്തി കടലുണ്ടിപ്പുഴയില്‍ തള്ളിയതെന്നു സൂചന. കുട്ടിയുടെ പിതാവിന്റെ സഹോദരനെ പോലീസ് കസ്റ്റഡിയിലെടുത്തു.
രണ്ടാഴ്ച മുന്‍പാണ് സംഭവം. സാമ്പത്തിക ഇടപാടുമായി ബന്ധപ്പെട്ട വിലപേശലിനു കുട്ടിയെ തന്ത്രപൂര്‍വം ആനക്കയത്തേക്ക് കൂട്ടിക്കൊണ്ടുപോകുകയായിരുന്നു.
കുട്ടിയെ കാണാനില്ലെന്ന വിവരം മാധ്യമങ്ങളില്‍ വന്നതോടെ ഇയാള്‍ ഭയത്തിലായിരുന്നു. ഇതിന് പിന്നാലെ കുട്ടിയെ കൊന്ന് പുഴയില്‍ തള്ളുകയായിരുന്നു. കനത്ത മഴയും ഉരുള്‍പൊട്ടലുംമൂലം കരകവിഞ്ഞൊഴുകിയ കടലുണ്ടിപ്പുഴയുടെ തീരത്തുനിന്ന് കുട്ടിയുടെ ബാഗും വസ്ത്രങ്ങളും കണ്ടെത്തിയിരുന്നു. വീണ്ടും ജലനിരപ്പുയര്‍ന്നതോടെ തിരച്ചില്‍ അവസാനിപ്പിക്കുകയായിരുന്നു.
