ന്യൂഡല്ഹി: ആധാര് വിവരങ്ങള് പരസ്യപ്പെടുത്തിയാല് ഒരു പ്രശ്നമുണ്ടാകില്ലെന്ന് വാദിച്ച് ഹാക്കര്മാരെ വെല്ലുവിളിച്ച് ട്രായ് ചെയര്മാന് ആര്എസ് ശര്മ. ബാങ്ക് വിവരങ്ങള് ഉള്പ്പടെ എല്ലാ വിവരങ്ങളും ചോര്ത്തി ശര്മ്മയ്ക്ക് ഹാക്കര്മാര് മറുപടി നല്കി.
According to an official @nicmeity circular, this phone number is the number of your secretary https://t.co/lAQZJjJlrH. pic.twitter.com/TiIYYxfQrs
— Elliot Alderson (@fs0c131y) July 28, 2018
എലിയട്ട് ആല്ഡേഴ്സണ് എന്ന ട്വിറ്റര് അക്കൗണ്ടിലാണ് ആര്എസ് ശര്മ്മയുടെ വിവരങ്ങള് പ്രത്യക്ഷപ്പെട്ടത്. ഇന്നലെയാണ് ആര്എസ് ശര്മ്മ തന്റെ ആധാര് നമ്പര് ട്വിറ്ററില് പങ്കുവെച്ചത്. ‘എന്റെ ആധാര് നമ്പര് ഇതാ. ഇത് ഹാക്ക് ചെയ്ത് നിങ്ങള് കാണിക്കൂ… ഞാന് നിങ്ങളെ വെല്ലുവിളിക്കുന്നു.’ എന്നാല് ശര്മ്മയുടെ ബാങ്ക് വിവരങ്ങളും, പാന് കാര്ഡ് നമ്പറും, ഫോണ് നമ്പറുമടക്കം ഹാക്ക് ചെയതാണ് ഹാക്കര്മാര് ഇതിന് മറുപടി നല്കിയത്.
Credits to @kanishksajnani for the last screenshot
— Elliot Alderson (@fs0c131y) July 28, 2018
തങ്ങള് ആധാറിനെതിരല്ലെന്നും എന്നാല് ആധാര് ഹാക്ക് ചെയ്യാന് സാധിക്കില്ല എന്ന വാദത്തിനുള്ള മറുപടിയാണിതെന്നും ഹാക്കര്മാര് ട്വിറ്ററില് കുറിച്ചു. ദി പ്രിന്റിന് നല്കിയ അഭിമുഖത്തിലായിരുന്നു ശര്മ്മ ആധാറിന്റെ സുതാര്യതയേയും സുരക്ഷയേയും കുറിച്ച് ആദ്യം പ്രതികരിച്ചത്. ആധാര് നമ്പര് പരസ്യപ്പെടുത്തിയാല് ഒന്നും സംഭവിക്കില്ലെന്നായിരുന്നു അദ്ദേഹത്തിന്റെ പ്രസ്താവന. പിന്നീടായിരുന്നു ട്വിറ്ററില് അദ്ദേഹം ആധാര് നമ്പര് പരസ്യപ്പെടുത്തിയത്.
We have paid your salary for all these years @rssharma3 please share all your personal data with us. https://t.co/PuBfW8MJNK
— @kingslyj (@kingslyj) July 28, 2018