തിരുവനന്തപുരം: ഉഗ്രവിഷമുള്ള അണലിയുടെ കടിയേറ്റ് ഐസിയുവില് പ്രവേശിപ്പിച്ചിരിക്കുന്ന വാവ സുരേഷിന്റെ നിലയില് നേരിയ പുരോഗതി. എന്നാല് അപകടനില തരണം ചെയ്തുവെന്ന് പറയാനായിട്ടില്ലെന്നാണ് മെഡിക്കല് കോളേജ് വൃത്തങ്ങള് അറിയിക്കുന്നത്. അടുത്ത 72 മണിക്കൂറുകള് നിര്ണ്ണായകമാണെന്നും അത് കഴിഞ്ഞ് മാത്രമേ എന്തെങ്കിലും പറയാന് സാധിക്കൂവെന്നുമാണ് മെഡിക്കല് കോളേജില് നിന്നുള്ള റിപ്പോര്ട്ട്.
കഴിഞ്ഞ പതിമൂന്നാം തീയതിയാണ് വാവ സുരേഷിന് പാമ്പ് കടിയേറ്റത്. കല്ലേറത്തെ ഒരു വീട്ടില് നിന്നും കുപ്പിയിലാക്കിയ അണലിയെ നാട്ടുകാര് ആവശ്യപ്പെട്ടതിനെ തുടര്ന്ന് വാവ പുറത്തെടുക്കുകയായിരുന്നു. ഇതിനിടെയാണ് വാവയുടെ കൈയ്യില് കടിയേറ്റത്.
കൈയ്യിലുണ്ടായിരുന്ന മരുന്നുപയോഗിച്ച് പ്രഥമിക ശൂശ്രൂഷയ്ക്ക് ശേഷം ഉച്ചയ്ക്ക് ശേഷം വാവ തിരുവനന്തപുരം മെഡിക്കല് കോളേജില് അഡ്മിറ്റാകുകയായിരുന്നു. വ്യാഴാഴ്ച ഉച്ചയ്ക്ക് ഒന്നരയോടെയാണ് വാവ സുരേഷിനെ തിരുവനന്തപുരം മെഡിക്കല് കോളേജില് പ്രവേശിപ്പിച്ചത്. വ്യാഴാഴ്ച രാവിലെ കടിയേറ്റട്ട് ഉച്ച കഴിഞ്ഞാണ് ആശുപത്രിയില് പ്രവേശിപ്പിച്ചത്.