കൊല്ലം: പാമ്പ് പിടിത്തത്തിലൂടെ പ്രശസ്തനായ വാവ സുരേഷിന് പാമ്പു കടിയേറ്റു. ഉഗ്രവിഷമുള്ള അണലിയുടെ കടിയേറ്റ വാവ സുരേഷിനെ ആശുപത്രിയില് പ്രവേശിപ്പിച്ചിരിക്കയാണ്. തിരുവനന്തപുരം മെഡിക്കല് കോളജിലെ അത്യാഹിത വിഭാഗത്തിലാണ് പ്രവേശിപ്പിച്ചത്.
പാമ്പ് പിടിക്കുന്നതിനായി പത്തനാപുരത്ത് ഒരു വീട്ടിലെ കിണറ്റില് ഇറങ്ങിയപ്പോഴാണ് കടിയേറ്റത്. വ്യാഴാഴ്ച രാവിലെ പതിനൊന്ന് മണിയോടെയാണ് സംഭവം.
കിണറില് വീണ പാമ്പിനെ രക്ഷിച്ച് കിണറിന് പുറത്ത് എത്തിച്ചപ്പോഴാണ് കടിയേറ്റത്. വലതുകയ്യിലെ മൂന്നാമത്തെ വിരലിനാണ് കടിയേറ്റത്. കടിയേറ്റ് മൂന്നരമണിക്കൂറിന് ശേഷമാണ് ആശുപത്രിയില് പ്രവേശിപ്പിച്ചത്.