കോഴിക്കോട്: പെരുച്ചാഴിയെ കൊല്ലാനാണെന്ന് പറഞ്ഞാണ് തന്റെ കൈയില് നിന്ന് മാത്യു സയനൈഡ് വാങ്ങിച്ചതെന്ന് ജ്വല്ലറി ജീവനക്കാരനായ പ്രജികുമാര്. കൂടത്തായി കൊലപാതക കേസില് അറസ്റ്റിലായ ഇയാളെ കോടതിയില് ഹാജരാക്കുന്നതിന് വേണ്ടി കൊണ്ടുപോകുന്നതിനിടെയാണ് ഇയാള് മാധ്യമങ്ങളോട് ഇത്തരത്തില് പ്രതികരിച്ചത്.
അതേസമയം പ്രജികുമാര് പറയുന്നതിലെ പൊരുത്തക്കേടുകള് അന്വേഷണ സംഘം നേരത്തെ കണ്ടെത്തിയിരുന്നു. ഇയാള് നിരവധി പേര്ക്ക് അനധികൃതമായി സയനൈഡ് നല്കിയതായി പോലീസ് കണ്ടെത്തിയിരുന്നു. നേരത്തേ തനിക്ക് മാത്യുവുമായി യാതൊരു ബന്ധവും ഇല്ലെന്നാണ് ഇയാള് പറഞ്ഞിരുന്നത്. എന്നാല് അറസ്റ്റിലാകുന്നതിന് മുമ്പ് ഒരുമണിക്കൂറോളം പ്രജികുമാര് മാത്യുവുമായി സംസാരിച്ചിരുന്നുവെന്നത് അന്വേഷണ സംഘം കണ്ടെത്തിയിരുന്നു.
കുൂടത്തായി കൊലപാതക പരമ്പരയിലെ മുഖ്യ പ്രതിയായ ജോളിയുടെ ഗൂഢാലോചനയെപ്പറ്റി തനിക്ക് യാതൊന്നും അറിയില്ലെന്നും പ്രജികുമാര് ആവര്ത്തിച്ച് പറഞ്ഞു. അതേസമയം ജോളിക്ക് സയനൈഡ് നല്കിയ എംഎസ് മാത്യുവും അറസ്റ്റിലാണ്. മൂന്ന് പ്രതികളെ പോലീസ് ഇന്ന് കോടതിയില് ഹാജരാക്കും