ഇടുക്കി: കേരളത്തിലുണ്ടായ വലിയ പ്രകൃതി ദുരന്തത്തില് സകലതും നഷ്ടമായവര്ക്ക് കൈത്താങ്ങായി സുമനസുകളുടെ സഹായമായി ലഭിച്ചത് 40 സെന്റ് ഭൂമി. ദുരിതബാധിതര്ക്കായി രണ്ടു കുടുംബങ്ങള് ഇന്നലെ സമ്മാനിച്ചത് 40 സെന്റ് സ്ഥലമാണ്. വള്ളക്കടവ് വാലുമ്മേല് ബിനോയി വര്ഗീസിന്റെ ഭാര്യ ഷെമിലി അബ്രഹാമിന്റെ ഉടമസ്ഥതയിലുള്ള 30 സെന്റ് സ്ഥലം, വള്ളക്കടവ് കടമാക്കുഴി കണ്ണമുണ്ടയില് ജെയിംസ് മാത്യുവിന്റെ ഉടമസ്ഥതയിലുള്ള 10 സെന്റ് സ്ഥലം എന്നിവ വിട്ടുനല്കുന്നതിനുള്ള സമ്മതപത്രം ഉടമസ്ഥര് ജില്ലാ കലക്ടര് എച്ച് ദിനേശന് കൈമാറി.
വള്ളക്കടവ് കാനാട്ട് ജംഗ്ഷനില് റോഡ്, വെള്ളം എന്നീ സൗകര്യങ്ങളുള്ള ഒരു വീടുള്പ്പെടെ സെന്റിന് അന്പതിനായിരം രൂപ വിലവരുന്ന 30 സെന്റ് സ്ഥലമാണ് ഷെമിലി അബ്രഹാം സഹായമായി വിട്ടു നല്കിയത്. കാര്ഡമം പ്ലാന്ററായ ബിനോയി, മാതാവ് ഏലിക്കുട്ടി, ഭാര്യ ഷെമിലി, മക്കളായ ആകാശ്, ആദര്ശ്, അല്ക്ക എന്നിവരടങ്ങിയതാണ് കുടുംബം. സഹോദരങ്ങായ തങ്കച്ചന്, ബിജു, സജി എന്നിവരും എല്ലാവിധ പിന്തുണയുമായി ബിനോയിക്കൊപ്പമുണ്ട്.
വള്ളക്കടവ് കടമാക്കുഴി ബസ്സ്റ്റോപ്പിന് സമീപം കുടുംബവിഹിതമായി ലഭിച്ചതില് എല്ലാവിധ സൗകര്യങ്ങളോടും കൂടിയ 10 സെന്റ് സ്ഥലമാണ് ജെയിംസ് മാത്യു സഹായമായി വിട്ടു നല്കിയത്. അതിജീവിതത്തിന്റെ പുതിയ തുടക്കമാണിതെന്നും മഴക്കെടുതിയുടെ ദുരിതമനുഭവിക്കുന്ന കുടുംബങ്ങള്ക്ക് ഭൂമി സാഹായമേകിയ ഈ സുമനസുകള്ക്ക് സര്ക്കാരിന്റെ പേരില് നന്ദി അര്പ്പിക്കുന്നതായും ജില്ലാ കലക്ടര് പറഞ്ഞു.