അബുദാബി: യുഎഇയുടെ പരമോന്നത സിവിലിയന് ബഹുമതിയായ ഓര്ഡര് ഓഫ് സായിദ് മെഡല് പ്രധാനമന്ത്രി നരേന്ദ്രമോഡിക്ക് സമ്മാനിച്ചു. രണ്ടുദിവസത്തെ ഗള്ഫ് സന്ദര്ശനത്തിനായി അബുദാബിയിലെത്തിയ
പ്രധാനമന്ത്രിക്ക് പ്രസിഡന്ഷ്യല് പാലസില് നടന്ന ചടങ്ങില് വെച്ച് അബുദാബി കിരീടാവകാശിയും യുഎഇ സായുധസേനയുടെ ഉപസൈന്യാധിപനുമായ ശൈഖ് മുഹമ്മദ് ബിന് സായിദ് അല് നഹ്യാനാണ് പുരസ്കാരം സമ്മാനിച്ചത്.
PM @narendramodi conferred UAE's highest civilian award 'Order of Zayed' pic.twitter.com/9KJc9fId1N
— Doordarshan News (@DDNewsLive) August 24, 2019
ഓര്ഡര് ഓഫ് സായിദ് മെഡല് വാങ്ങുന്ന ആദ്യ ഇന്ത്യന് പ്രധാനമന്ത്രിയാണ് മോഡി. വിവിധ മേഖലകളിലെ സഹകരണം ശക്തിപ്പെടുത്തുന്നത് സംബന്ധിച്ച കരാറുകളും ഇതോടനുബന്ധിച്ച് ഒപ്പുവയ്ക്കും. പ്രസിഡന്ഷ്യല് പാലസിലെ ഉച്ചവിരുന്നിന് ശേഷം യുഎഇ പര്യടനം പൂര്ത്തിയാക്കി പ്രധാനമന്ത്രി ബഹ്റൈനിലേക്ക് യാത്ര തിരിക്കും.