ന്യൂഡല്ഹി: ഉന്നാവോ ബലാത്സംഗ കേസിലെ പരാതിക്കാരിയും കുടുംബവും സഞ്ചരിച്ച കാര് അപകടത്തില്പെട്ട സംഭവത്തിന്റെ അന്വേഷണം കേന്ദ്രം സിബിഐക്കു കൈമാറി. കഴിഞ്ഞ ഞായറാഴ്ചയാണ് പെണ്കുട്ടിയും ബന്ധുക്കളും അഭിഭാഷകനും സഞ്ചരിച്ചിരുന്ന കാര് അപകടത്തില്പ്പെട്ടത്.
പെണ്കുട്ടിയും സംഘവും സഞ്ചരിച്ചിരുന്ന കാറില് അമിതവേഗത്തിലെത്തിയ ട്രക്ക് ഇടിക്കുകയായിരുന്നു. അപകടത്തില് പെണ്കുട്ടിയുടെ രണ്ട് ബന്ധുക്കള് മരിച്ചു. പെണ്കുട്ടിയും അഭിഭാഷകനും ഗുരുതരാവസ്ഥയില് ചികിത്സയിലാണ്.
അതേസമയം, പെണ്കുട്ടിക്കു നേരെയുണ്ടായത് ആസൂത്രിത കൊലപാതക ശ്രമമാണെന്ന ആരോപണം ഉയര്ന്നതിനു പിന്നാലെയാണ് കേസ് സിബിഐക്കു വിട്ടിരിക്കുന്നത്. സംഭവത്തില് രൂക്ഷ വിമര്ശനവുമായി പ്രതിപക്ഷവും രംഗത്തെത്തിയിരുന്നു. സംഭവത്തില് ഉടന് എഫ്ഐആര് രജിസ്റ്റര് ചെയ്യുമെന്ന്
സിബിഐ അറിയിച്ചിട്ടുണ്ട്.
ബിജെപി എംഎല്എ കുല്ദീപ് സെന്ഗറിനെതിരെയാണ് പെണ്കുട്ടി ബലാല്സംഗ പരാതി നല്കിയിരുന്നത്. 2017ല് ജോലി അന്വേഷിച്ച് ചെന്ന തന്നെ എംഎല്എ ബലാത്സംഗം ചെയ്തെന്നാണ് പെണ്കുട്ടിയുടെ പരാതി.